ذنبي أني لا عشقت أمطر إحساس وشجون !!

[إنسآن عآدي]

مــراااحــب
::

أبي أعيش ب دنيتي دون خلان !
مثل الطيور إللي بها الجو حره !!
أبي اطوي سنينٍ بها ضيم وأحزان !!
وامسح جروحٍ داخلي مستمره !!
ولاني على إللي راح باكي وندمان !!
كله مقدر لي ب خيره وشره !!!!



حبيبي ب ابتعد وارحل واعاند فيك رغباتي ..
عساني لا رحلت احساس ظلمك لي ينتابك ..
حبيبي للأسف حبك تراه آخر متاهاتي ..
نسيت الدرب وايام الجروح وريحة ثيابك ....!!



ذنبي أني لا عشقت أمطر إحساس وشجون !!
وعيبي أني لا كرهت أبقى وافي للعشير !!
وأنت ذنبك لا اهتويت تقلب الفرحة حزون !!
وعيبك أنك ظالم ميت فيك الضمير !!!!



تدري كثر مالي من الناس خلان..
اللي صفوا لي بالشدايد قلايل..
( شايف غلط ؟؟ )
قل شايف اشكال والوااااان ..
( قابلت ظلم ؟؟ )
الا لقيت الهوااايل..
بس مرات ربك يرزقك خوة انسان
واحد ويسوى في عيونك ( قبايل )



يعني لو ماسأل عليك تهدني
ياخي اسأل رفيقك مات ! حي!
مااجبرك تشتاقلي وتودني
بس كلمني شوفني محتاج شي
حتى العدو اللي سبق وضرني
بين حزه وحزه يشيك علي




لاتعذر ولاتزيد الملام انت مخطي
والمصيبه كنت غالي,,
وبالخطا صحيت قلبي من منامه
وبالعذر ماعاد تقدر في وصالي,,
بعت كل اللي ابي الا الكرامه
وشفت قدري في عيون الناس عالي




..((تصدق))..
ضاعت ايامي..
مع اشباهك
ولاصدقت..
..اناللحين لوتدري
عجزت استوعب
...غياااااااااابك...





تدري بعد ماغبت وش كنت أسوي..!!
كنت وخيالك مثل جفن ٍ على عين
كنت أنتظر والوقت .. كنه عدوي
لاطااااال .. زاد الشوق فيني بضعفين
حتى قبل ملفاك .. هالحين .. توي ..!!
سافرت أفكربك .. ولاأدري على ووووين



لا تحسبين
اللي في قلبي لك شوي
لا تحسبين
شخص مر ونسيته
انتي لي الدنيا
ولعيوني الضي
وانتي غناتي
والرجى اللي رجيته
حلفت منساك
مادامني حي
حتى السهر
لعيونك هويته ..!!!
لا تحسبين
اللي بقلبي لك شوي
درب الغلا
توني ما بديته





جا يطيب "خاطري بكلمتين"
يحسب ان رضاي مضمون وسهل
عذره إللي رجعه شوق وحنين
يحسب ان رضاي بشوية غزل
مادرى اني حالف وحالف يمين
ما ارد بكلمتي مهما عمل
ما يلين القلب والله ما يلين
وان زعل يزعل ما يهمني لو زعل






تبطي علي
وانا هنا اتحراك
و روحي لهيب
الصبر تشويها
كانك مشكك
بالغلا والوفاء
هاك
جوالي اقرأ
القائمه
وش عليها ؟؟؟

مافيه بالصادر والوارد
إلا سواك

وباقي الناس
في
لم يرد عليها...!!!!!





أول
جروحي قلب ميت من الاهمال
ثانيها
صدمة حب مات برواقة بال
الثالثه
أحزان من راسي لأقدامك
الرابعة
هجران ماتت بها أحلامي
خامس الاخماس
ياسيدي الحساس
إني أنا احاسيس
ماعاد بي احساس





يا مكانه
وش بيدي؟
لو رحل من له بقلبي ...
شوق .. و أنفاس .. ومكانه
كان جنبي .. بسألك
وش كان ذنبي؟
أمنياتي وضحكته .. معنى حياتي
من يلوم أحضان داري ؟
لو بكت ترجي حنانه !
وش بلا ضو اشتياقي ؟
واحتراقي من ذكرت اللي سمعته
من كلامه .. من سلامه ..
يوم قال إني بسافر
دارت الدنيا براسي !
أو فقد عقلي اتزانه !
يا مكانه شف تناهيدي تنادي
وما عرفها إلا سهادي .........!!





جيته بليلة وداعه
تايه بين البيوت
صحت .. وينك ..؟؟ جيت اوادع عمري اللي راح فيك ..
ما سمعت الا صدى صوته
و كان ارق صوت
نطق اسمي .. ثم همس ..
من متى وانا احتريك..!!
قلت و عيوني تغافل زفرة الحزن وتفوت
هذا انا جيتك .. و ليت الموت جاني قبل اجيك ..
بعدها يادوب عدت .. عبرته حد السكوت ..
قال و عيوونه تغااارق دمع
"بسم الله عليك"
قلت يابن الناس .. عادي .. ما ورى هالموت موت
وش وراها ..
لا فقدت عيونك ولا مسكت يديك ..





ليتنا مثل الهدب والرمش يا عمري نكون
لو تفارقنا ثواني نبتدي لحظه عناق
ليتنا مثل الطفوله بالبرائه مانخون
ماندل الاطريق الصدق مانعرف نفاق
ليتنا مثل الامومه قلبي وقلبك حنون
لانت ترضى في فراقي ولا انا بعدك يطاق
ليت حبك لي جنوني مثل ماحبك جنون
وليت شوقك لي مثل مانا على حر اشتياق





حاكني بأقوى تعابير الغرام...
‏
للفرح باسلوب تكفى دلني..
وضمني بادفى مراسيل الغرام..
‏
ومن شتات الوقت يمك لمني ..

وخلني طفل على كتفك ينام..
‏
غير قربك يالغلااا ماهمني...





كل ما جيت اتغلى عليك‎ ‎...‎
يعاتبني الغلا فيني ...‎
وكل ما جيت أجافيك ...‎
يبدأ قلبي يجافيني ...‎
وترا سؤالي عن أحوالك نابع من زود الغلا ...
فيني يعني رديت ولا مارديت !!...
وصول المسج يكفيني ...





ان بغيت ,, انساني ولا تذكرني
ولا تعرفني ان تصادفنا مره
بس اذكر يوم انك توعدني
تبقى بخير وماتجيب لنفسك مضره
وانا ,, بذكرك كل ماهل من السما خير
وكل ماعاش قلبي لحظة مسرة
يذكرني فيك الجو ,, لا صار غير
لا برد الهوى طغى على حره
بدايتنا كانت مع النوير
كان تذكر كل كلامنا كان
عن البرد ,, البر ,, و المطره





رحلت وصرت انا والليل وحدي
وش يبي هالليل ناطر ؟؟!!
ليه بعده مارحل ؟
كانت الدنيا سهر
وكل ما أسرح تمر
في خيالي لمحة منك
مرة طيبك.. ومره همك
وأكتفي فيها بوجودك
وأنا ذابحني صدودك
وأحلم بقربك عمر





كل شي حبيته

في بيتك نساني

الهدوء .. الليل

الصمت .. الأغاني

حتى لون الورد

و الفرحه .. و مكاني

داهمتني الغربه

ليتني ماجيت

ليتني .. رديت

حزني .. غرّب ضحكتي

لساني ضيّع كلمتي

حسيت بالياس .. و مشيت

كنت بشكوك

و شفت الحقيقه

في عيونك .. تعترف

[الأسطوره]

لاتعذر ولاتزيد الملام انت مخطي
والمصيبه كنت غالي,,
وبالخطا صحيت قلبي من منامه
وبالعذر ماعاد تقدر في وصالي,,
بعت كل اللي ابي الا الكرامه
وشفت قدري في عيون الناس عالي


مشكور اخوي علي المسجات

اختك

[هاااااوي]

تسلم الغالي علي المسجات

تقبل مروري

هاوي

[إنسآن عآدي]

يعطيك الف عافيه على المرور

[&خالد&]

مسجــــــات رائعــــــــة ..


أجمل عبارات الشكر لك أخي..


ننتظر منك المزيــــــــد ..


دمت بخيــــر..

[إنسآن عآدي]

الله يعطيكم العافيه على المرور الرائع

[العيون النرجسيه]

يعطيك العافيه على روعة طرحك
طرح راقي ومميز
انتقائك له بريق جميل لايمكن وصفه
لاتحرمنا ابداعاتك
دمت بود

أختك
العيـــــــون النرجسيه