كرهت الحب باسبابك

[اسير الشوق]

كرهت الحب باسبابك... ؟


ابرحل عنك صدقني كرهـت الحـب باسبابـك
ابرحل ما حنيت الراس لك يا خايـن العشـره
ابرحل واهجر ديارك وخلك في هوى احبابـك
ابرحل والغلا بينـي وبينـك منتهـي عصـره
ابرحل واترك الماضي وبمسح صفحـة كتابـك
ابرحل عنـك واسمعهـا أنـا طلّقتـك بعشـره
تعبت اكذب الواقـع واصـدّق كذبـة اعجابـك
لأني عاشق ٍ مخلـص ملكنـي حبّـك بسحـره
ِ تعبت اراعي شعورك واغظ الطـرف بغيابـك
غشيمه واحسبك وافي خدعـت القلـب بالنبـره
رخصت الكل من شانك .. رضيت اتحمل عتابك
ولكن للأسف حبّي مـن افعالـك ذبـل زهـره
تحملتك على ظلمك وقلت الوقت يصفـى بـك
واشوفك تلعب بذيلـك وغـدرك آه وش كبـره
وفوق الغدر تتمسكـن وتخفـي السّـم بانيابـك
وتظهر دمعتك تبغي تغش اللي رخـص عمـره
ولكن وفّـر دموعـك ترانـي خابـر العابـك
انا ماني مثل غيري ضعيـف النفـس والقـدره
محيت اسمك وشقّقت الرسايـل وانقفـل بابـك
ولا عاد المشاعر يحترك مـن شوقهـا شعـره
كرهت اسلوبك الماكر كرهت اناظـر اهدابـك
وعفتك عقب ما بانـت حقيقـة قلبـك وغـدره
مصير الوقت يثبتلك وفاي ويحـرق اعصابـك
وتتحسف على مافـات منـك وتمتلـي حسـره
اقول ارحل فمان الله ولانـي بحسـب حسابـك
مدام الغدر في دمـك توكـل لا تجـي بكـره
توكل لملم شتاتـك معـاد الوقـت يحلـى بـك
توكـل لا تحسـب أنـي بهـل بغيبتـك عبـره
ابي تنسى حروف ٍ صغتها لك يوم تزهـى بـك
وابي تنسى حبيبه سال حبرهـا دم فـي شعـره
بعلّمـك الوفـا واشلـون ليـن الغـمّ ينتـابـك
واجرعك العذاب اشكال دامك بـرت بالعشـره

[همسـ الليل ــات]

http://barakati.jeeran.com/anyaflower156.gif


مساء الخيــر


صح لسانك اخوي اسير الشوق

قصيده معبّره

ويشرفني انا اكون اول شخص يتشرف

بالرد هنا على هذه الرائعه ...!!

وتقبل إعجابي بحرفك و بما خطة يمناك

لا عدمناك


http://barakati.jeeran.com/anyaflower156.gif

[اسير الشوق]

دام نبضك الرائع واحساسك المرهف يا همسـ الليل ــات

[الـــهـلالــيـه]

صح لساااااااااااااااانك



على هالقصيده



:1 (32): :1 (32): :1 (32): :1 (32): :1 (32): :1 (32): :1 (32): :1 (32): :1 (32): :1 (32): :1 (32): :1 (32): :

:fahd1 (75): :fahd1 (75): :fahd1 (75): :fahd1 (75): :fahd1 (75): :fahd1 (75): :fahd1 (75):


:fahd1 (13): :fahd1 (13): :fahd1 (13): :fahd1 (13): :fahd1 (13):


تقبل مروري

تحيااااتي


الهلاليه