هاااااوي
07-02-22, 04:50 مساء
قصيده للشيخ محمد بن راشد آل مكتوم يطلب النصيحه من سيدي صاحب سمو الشيخ زايد بن سلطان
آل نهيان الله يرحمه
وأتمنى أنهى تعجبكم
.....
نصيحه منه تحتاج إلنصيحه
.....
تنام أهل القلوبْ المستريحهْ
وأنا راحاتْ قلبي في عذابي
أرضّف ونّتي من ضيقْ صيحهْ
ومن همٍّ بقاصِِِِ الجوفْ غابي
نصيحهْ والنّبا منّك نصيحهْ
لكم يابوخليفهْ منتدابي
سخيّ النفس والرّوح السّميحهْ
عزيز الشّان مرفوع الجنابي
تعلاّ للنّجومْ المستشيحهْ
شعاعْ النّور ومزون السّحابي
أنا محتارْ في الدّنيا الشّحيحهْ
يهيمْ البوم فيها والغرابي
أرى يا سيّدي بعض الشّريحهْ
بطانة رمّةٍ تحتْ التّرابي
سريعٍ في المجاملْ والمديحهْ
كسوبٍ مستفيدٍ في الكآبي
نصيحهْ منه تحتاجْ إلنصيحهْ
كلامٍ مثل ضحضاح السّرابي
أخافْ الّلوم عذالي تبيحهْ
وأنا قلبي عن العذال يابي
ألا يا ليت من بيصيحْ صيحهْ
صداها ينسمع في كلّ نابي
سبوق الشّاردهْ منها طريحهْ
وباقيهن خمورٍ في المغابي
إذا من هبّ نسناس الصّبيحهْ
لفا من صوب ريّان الشّبابي
يزيد الشّوقْ في قلبي لفيحهْ
على ُبعدي وهمّي واغترابي
..........
رد صاحب السمو الشيخ زايد بن سلطان آل نهيان
.........
ألا يا مرحبا حيّ بنفيحهْ
نسيمْ الشرق لى جا بالجوابي
هلا باللّي عرف قاصي النّصيحهْ
كريمْ الأصل وأجدادٍ نجابي
تمثّل لي ابتماثيلٍ صحيحهْ
وكل ما قال لي فيها صوابي
ترى في الناس أجناسٍ شحيحهْ
اتخيّل لك غديرٍ من سرابي
ايشوفون الأمور اللّي فسيحهْ
ابعينٍ حولها ضاق الرّحابي
وانته فهيم للملامح و القريحة
ولا يخفاك خاطي ولاصوابي
ولو رووك ضحضاح أوشيحهْ
فلا يغريك من لكْ باينابي
لأنّك من هل الجزلا الفصيحهْ
عريب العرب عالين الجنابي
شكيت من الهوى حرّه أولفيحهْ
وإنت ابشوق منسوع الرّقابي
خفيفْ الرّوح والنّفس المليحهْ
يسلّي من ابقلبه لاكتئابي
عزيب الرّيم في قفره نزيحهْ
وعين الحرّ لي في راس نابي
له الصقّار لو يرضف بصيحهْ
غنيّ النفس ما حدّه وجابي
عجيد اليازياتْ اللّي سريحهْ
رعى عشب الشّوامخ في الرّوابي
سقا الله دارها جودٍ نضيحهْ
كسا لمغيب ويسوّي احيابي
وعود الموز والشّرتا لفيحهْ
هضيمْ الكشح لي زينه عجابي
يصوّب في الهوى ويشفي جريحهْ
يعالج من يصيبهْ بالحرابي
محبّك لى بشوش ولك نصيحهْ
وبينّ لك خفا ما صار غابي
تخيّر له طريقهْ لي تريحهْ
وعن العذال سربه في تغابي
ختمت الجيل ببيات صريحهْ
جدا شهم مسجّل في كتابي
آل نهيان الله يرحمه
وأتمنى أنهى تعجبكم
.....
نصيحه منه تحتاج إلنصيحه
.....
تنام أهل القلوبْ المستريحهْ
وأنا راحاتْ قلبي في عذابي
أرضّف ونّتي من ضيقْ صيحهْ
ومن همٍّ بقاصِِِِ الجوفْ غابي
نصيحهْ والنّبا منّك نصيحهْ
لكم يابوخليفهْ منتدابي
سخيّ النفس والرّوح السّميحهْ
عزيز الشّان مرفوع الجنابي
تعلاّ للنّجومْ المستشيحهْ
شعاعْ النّور ومزون السّحابي
أنا محتارْ في الدّنيا الشّحيحهْ
يهيمْ البوم فيها والغرابي
أرى يا سيّدي بعض الشّريحهْ
بطانة رمّةٍ تحتْ التّرابي
سريعٍ في المجاملْ والمديحهْ
كسوبٍ مستفيدٍ في الكآبي
نصيحهْ منه تحتاجْ إلنصيحهْ
كلامٍ مثل ضحضاح السّرابي
أخافْ الّلوم عذالي تبيحهْ
وأنا قلبي عن العذال يابي
ألا يا ليت من بيصيحْ صيحهْ
صداها ينسمع في كلّ نابي
سبوق الشّاردهْ منها طريحهْ
وباقيهن خمورٍ في المغابي
إذا من هبّ نسناس الصّبيحهْ
لفا من صوب ريّان الشّبابي
يزيد الشّوقْ في قلبي لفيحهْ
على ُبعدي وهمّي واغترابي
..........
رد صاحب السمو الشيخ زايد بن سلطان آل نهيان
.........
ألا يا مرحبا حيّ بنفيحهْ
نسيمْ الشرق لى جا بالجوابي
هلا باللّي عرف قاصي النّصيحهْ
كريمْ الأصل وأجدادٍ نجابي
تمثّل لي ابتماثيلٍ صحيحهْ
وكل ما قال لي فيها صوابي
ترى في الناس أجناسٍ شحيحهْ
اتخيّل لك غديرٍ من سرابي
ايشوفون الأمور اللّي فسيحهْ
ابعينٍ حولها ضاق الرّحابي
وانته فهيم للملامح و القريحة
ولا يخفاك خاطي ولاصوابي
ولو رووك ضحضاح أوشيحهْ
فلا يغريك من لكْ باينابي
لأنّك من هل الجزلا الفصيحهْ
عريب العرب عالين الجنابي
شكيت من الهوى حرّه أولفيحهْ
وإنت ابشوق منسوع الرّقابي
خفيفْ الرّوح والنّفس المليحهْ
يسلّي من ابقلبه لاكتئابي
عزيب الرّيم في قفره نزيحهْ
وعين الحرّ لي في راس نابي
له الصقّار لو يرضف بصيحهْ
غنيّ النفس ما حدّه وجابي
عجيد اليازياتْ اللّي سريحهْ
رعى عشب الشّوامخ في الرّوابي
سقا الله دارها جودٍ نضيحهْ
كسا لمغيب ويسوّي احيابي
وعود الموز والشّرتا لفيحهْ
هضيمْ الكشح لي زينه عجابي
يصوّب في الهوى ويشفي جريحهْ
يعالج من يصيبهْ بالحرابي
محبّك لى بشوش ولك نصيحهْ
وبينّ لك خفا ما صار غابي
تخيّر له طريقهْ لي تريحهْ
وعن العذال سربه في تغابي
ختمت الجيل ببيات صريحهْ
جدا شهم مسجّل في كتابي