الله معك وانس الـذي بيننـا كـان

[هاااااوي]

----------------------------------------------



مستحيل أسلوبك بيـوم يتغيـر






لوصبرت أكثر تعبت أكثر وأكثر ........... ماورى رجوا غلاك إلا السـراب

مستحيل أسلوبـك بيـوم يتغيـر ............ لاضما شفتك ولا شفتك سحـاب

غصن حبك لاهشيم ولاهو اخضر ........... فيك شوق وفيك رغبـه للغيـاب

أن طلبتك وصل خطواتك تعـذر ........... وان عطيتك صد كثرت العتـاب

صار همي كل يوم منـك يكبـر ......... والأمل لامن بنيتـه فيـك خـاب

خلنا نرتاح من اقدر ومـا اقـدر ........... وحيرة تملى شعـوري بالعـذاب

قلبي اللي لـو بنسيانـك تأخـر .......... القى لاسلوبك الغامض جـواب

أنس عرفي مرة أبعـد لاتذكـر ............ خاطري بالحيل من رجواك طاب








من سنه
من سنه وأكثر عيوني بالعيـون ......... تلتقي وتشوف نظـرات اهتمـام


من سنه عيا الخجل فينا يهـون ........... ماتبادلنـا ولا حتـى الـسـلام


مشكلتنـا دايـم الشوفـه تكـون ............. لحظة ماهيـب تسمـح بالكـلام


كل ماناظـرت بعيـون الفتـون .............. زادني في نظرته شـوق وهيـام


امتاه الصبـر يالقلـب الحنـون ............. السنـه درات وعينـي ماتنـام


طالت الرجوى ومليت الظنـون ............ وش بعد صبري على رجواه عام















نار المحبه





انطفت نـار المحبـه بيننـا ................ وأحسب أنه مابقى غير الرماد


يوم هبـت ذكريـات سنيـن ............... والتقينا صار للجمـر اتقـاد


من تلاقت بالسـلام ايديننـا ................. احترق من بيننا ستر البعـاد


صار جرح الشوق يسأل ويننا ................. واعتلى وجه الجفا لون السواد


اشرقت شمس الحنان بليلنـا ............... وعادت ايام المحبه والـوداد



















نسيانك أرحم





نسيانك أرحم من رجاوي سرابـك ............. يامن قضى عمري وأنا في رجاويك


حسيبك الله كم شكيت من عذابـك ............ نفسي وجرح القلب ماهوب خافيـك


يمطر لغيري من حنانـك سحابـك ............ ويموت قلبي ضاميٍ بيـن اياديـك


ياللي بحبـك مارحمنـي غيابـك .......... أعطيك قلبي وانت تبعد خطاويـك


رجيت حبك بس طال الرجـا بـك .......... لين انقطع بالياس كل الرجا فيـك


















ودي أشرح لك






ودي اشرح لك احاسيسي وخايف ............ والحيـا يمنـع لسانـي لايقـول


تستحي منك المعاني والشفايـف ............. كل ماحاولت اعبر لـك واقـول


الحروف بخاطري كله ولايـف .............. بس إلى شفتك من الخاطر تزول


كل مابانت لي البيض الرهايـف ............... في شفاتك صار بي صمتي يطول


لامتى بيني وبينـك هالكلايـف .................. ليتنا ياصاحبـي نلقـى حلـول

















ياسيد احبابي






ياسيد احبابي على غيرك اغليـت ......... قلبي وعن غيرك تعـذر حنينـي


ويش انت بي ياسيد الكل سويـت ........... أعميت عن كل المخاليـق عينـي


لعيونك بكـل المحبيـن ضحيـت ............ واهديت لك قلبي وباقـي سنينـي


مدري لو انك يوم عنـي تخليـت ............ وشلون ابنسى الود بينـك وبينـي


بالحيل في حبك بقلبـي تماديـت ........... وابعدتني عن حب نـاسٍ تبينـي


زرعت نبت الشوق بالقلب واسقيت ............. من دمي غصون الغلا في يدينـي











ياغالي الـود






ياغالي الـود قلبـي فيـك شديتـه ............ ولعتنـي فيـك يالغالـي وحبيتـك


ماقبلك أحدٍ من أول شوفـه اغليتـه .............. وشلون مدري هواك القلب واغليتك


وماقبلـك احـدٍ تولعـت وتمنيتـه ........... أكثر من أنـي تولعـت وتمنيتـك


ملكت قلبي لـك لحالـك ونسيتـه ................ ماكن بالناس غيرك يـوم لاقيتـك


محبتك غير يا أغلى انسان حبيـت ................ ما اذكر ترجيت كثر اني ترجيتـك


الله يقود النصيـب اللـي ترجيتـه ................ تعطيني اشواق قلبك مثل ما اعطيتك














ياقصيده






ياقصيده بين الاوراق القديمـه ............. ياحبيب صار حبـك ذكريـات


مابحبك لـو تذكرتـه غنيمـه ............ أسأل الوقت الذي بالحب فـات


كان حبك في سما دنياي غيمه .............. حاجبه عن عيني افراح الحيات


أرتجيك الحب وتزيد الظليمـه ............... ماحصل حتى ولامنك ألتفـات


بايعٍ لك فرحتي من غير قيمـه ............. السعاده لك وانا هـم وشمـات


ذابت الرغبه بقلبي والعزيمـه .............. لونويت الحب لي ماقلت هـات


يبقـى الغـلا




يبقى الغلا لوفرقتنـا المشاريـه .......... والشرهة اللي بالخواطر تروحي


كلٍ يعاتب بعض الاحيان غاليه ........... والحب يبقى فوق كل الجروحي


الحب لوشانـت علينـا لياليـه ......... نصبر وفى سر الغلا مانبوحـي


طبـع الوفـا بقلوبنـا مانخليـه ........... يسري بروحه مثل ماهو بروحي


حبي على باله ولوكنت جافيـه ........... وهو على بالي وحبه طموحـي


قلبي ولو صديت وابعدت بيديـه ........... وبنظرتي شوق اللقا له وضوحي












يقول وش زودي





يقول وش زودي علي الناس عندك ........ وأقول كلك ياهوى خاطـري زود


يقـول وش بـي للمحبـه يشـدك ......... وأقول مدري أنشد عيونك السـود


كل الحلا بالنـاس ماهـوب قـدك ......... ياللي مع اخلاقك بك الحسن موجود


كل الزهر ماشاقنـي مثـل خـدك ......... ماشاقني بغصونهـا نامـي العـود


نفسي مشت بركابها ليـن حـدك ......... ماعاقها زينٍ مع النـاس موجـود


أغليـك يالغالـي ورجـواي ودك ........... لاتجرح اللي لك من القلب مشدود























لاتقطع اسباب الرجا





لاتقطع اسباب الرجـا فيـك مـرة .......... خل الرجا لو ماصدق فيـك يبقـى


ترى السراب اللي خـداع ومغـره .......... ينعش رجا الضامي وهو ويش يلقى


حبك عسى ربـي يكافينـي شـره ............ عجزت عنه بكـل شـئ اتوقـى


أجي لدربـك كـل يـومِ وأمـره .......... مشتـاق أدور شوفتـك واتهـقـى


ضامي حنان وشوفتك لـي مبـره .......... ومن الجروح القلـب يامـا تلقـى


ماأحدِ حدانـي للشقـى والمضـرة .......... إلا أنت ياللي وجنتي منـك زرقـا






اشره وعاتبني






اشره وعاتبنـي عتـاب المواليـف ......... ماشوف للتجريـح يازيـن داعـي

من قبل تجرحك بهوايا المحاسيـف ............ اسمـع وقـدر ياحبيبـي دفاعـي

يمكن تقول المخطيات الصواديـف ............. للجرح مثلـك لا تزيـد اندفاعـي

جرح الغلا في خاطري منك ماشيف ............ ماشفت لوعـة خافقـي واللتياعـي

كلي على صادق هوانا المخاويـف ............. لا ينتهـي مـن بيننـا لضياعـي

اكتم معاناتي وأجيلك على الكيـف ............. واخاف من صدك يزيـد التساعـي

يامـا التقينـا بالمـوده ملاهيـف ............ عمر العتب ماصار حكـمٍ قطاعـي

وقتي معك ماغير شتـاه والصيـف ............ حبك بقلبي لـو طويتـه شراعـي





غبت




غبت وبدالك جابه الله على الـذوق ......... قلب لقيتـه فيـه نسيـان مافـات

قلب سرقني من رجاويـك برفـوق .......... وانهى بقلبي مـن هـواك المعنـاة

بادلته الإحسـاس بالـود والشـوق .......... وداويت فيه اجروحي اللي خفيـات

وارتاح قلب كان يرجيك مشفـوق ......... رهنتـه لحبـك ولاسـج لحظـات

ضيعت قلب كان بيديـك موثـوق .......... وأهديتـه لغيـرك بليـا حسافـات

صبح الغلا بين بعيني له أشـروق .......... وانهيت من ليل الرجا فيك الآهـات

مابي لك أعذار ومابي لك حقـوق ............. عن وقتي اللي ضاع شوق ومدارات







يقـول وشلونك





يقول وشلونك يبـي يجرحـن زود ........ كلمة عطوف وجرح قلبي وراهـا


يقولهـا والقصـد بعيونـه السـود .......... الكلمـة اللـي قالهـا ماعنـاهـا


بسلوب طيب القلب والعطف والجود ......... يجرح ويـدرك غايـةٍ ماحكاهـا


والمشكل أني له من القلب مشـدودت .......... غار روحي مـن غـلاه ونساهـا


يدري بحبي لـه ولامنـه مـردود ........... إلا ان نفسـي للمـذلـه حـداهـا


يذلنـي لاقلـت ياناعـم الـعـود ............ وإلى ابتعد زود على الروح داهـا


الصبر قالوا لويطـول لـه حـدود ............. وانا لعينـه صبـر قلبـي عداهـا









آخر آهاتي






يا آخر الآهات هز الرجـا فيـك ............ غيابك االلي صرت انا منه محتار



غايب وانا أشوفك بعيني واراعيك ............. من غير ماتدري وأدور لك اعذار



اشتاق لمصافحك وابعـد واخليـك ........... في راحتك مادمت للبعـد مختـار



مادام غيري في حياتـك مسليـك ........... ياقرب يوم خاطري عنـك ينـدار



خذ راحتك دور على مـن يهنيـك .............. أيامنـا كلـه صواديـف واقـدار



حتى العتب ماني معاتـب لياليـك ............ عاتبتها من قبلك بغير وش صار؟



عندي قناعه أن شخـص يجافيـك ............... مامن رجاه الا 00 يولع بك النار



أضحك وصدق ضحكتك لين ينسيك ............. وقتك غلاه وبادلـه صـد وانكـار









بيني وبينك







بيني وبينك مابقـي غيـر مافـات ............ ياللي لغير الجـرح مايـوم حبيـت

سامحت مرات وتغاضيـت مـرات ............. للعذر ويش مـن المعاذيـر خليـت

ماكان حلمي ضعف لو طول اسكات ........... نفسي على كثر الخطا كل ما أخطيت

كـررت غلطاتـك وكثـرت زلات .............. نفسك وانا غريتك بكثر ما أغضيت

مافاد بك صبري وكثـر المـدارات .......... ضاقت سعة حلمي وبالحيـل مليـت

اليوم أنـا مقفـي ولابـه مـراوات .............. ولعزتي معـذور لوفيـك ضحيـت

حاولت اعلمك الوفاطـول الاوقـات ........... وقبلك تعملت الجفـا منـك وأقفيـت











من سألته عنــــــك




من سألته عنك في وجهي تبسـم ......قال هي تسأل بعد نفس السـؤال



ابتسمت وصرت في صمت أتعشم........واتذكر طيفـك اللـي بالخيـال



اعتصر قلبي من الشـوق وتألـم..........منوتي تكرار شوفـك والوصـال



ما اقدر اشكي شوق قلبي واتكلـم...........صابـرٍ ومـطـولٍ للهم بــال



ياعذابي كان أنـا فيـك أتوهـم ..........والغلى ماله على بالـك مجـال











عندك زهور العطر صارت كذوبه






عذبه ياكل الذوق بالحيـل عذبـه ............ ماظن بين النـاس مثلـك عذوبـه

البارحه حسن القمر صـار كذبـه ........... وعندك زهور العطر صارت كذوبه

حتى الفراش احتار من وين دربـه ........... بينك وبين الـورد ضيـع دروبـه

واللي بسحر الزين حسنـه يشبـه ........... لوناظروك النـاس ماشبهـو بـه

وصفك على كل المخاليق صعبـه .............. وان ابتسمتي زاد وصفك صعوبـه

رقـه وحنيـه وعطـف ومحبـه ............. وعند الجميع الله عليـك محبوبـه







أعـمـت الغـيره عـيونـــك للأســـف






خاب ظني فيك والوضع واختلف ............ بعد ماظنيتـك انسانـه مـلاك



أعمت الغيره عيونـك للأسـف ............. واندفعتي مع ظنونك من قسـاك



ماكفاك اللي بربـه لـك حلـف ............... ماخدعك وخان لحظه في غلاك



وان قلبـه بالمحبـه ماعـرف ................ غير حبك ياشقا النفس وهـواك



قلبي المجروح من ظلمك نـزف .................. كل ذرة حب ساقتـه لرضـاك



ابعدي وابعد كفايـه ماوصـف .............. قبلك اخلاص وشوقي في رجاك



بيننا أيـام وتشوفيـن الصـدف........... كل ماجت بي تذكرك بخطـاك








اتصالـــك





هز اتصالك فيني الشوق وانهـار ............... قلبي وزادت حيرتـي والتياعـي


بين الفرح والخوف والشوق والنار ............. ياغاليـه زاد العنـا والصراعـي


تلعب بي امواج الهواجيس واحتار ............. مابين شوقي لك وبين الضياعـي


موجة حنين تزيدني حب واصرار ............. وموجات عن شاطيك تبعد شراعي


ياحبي الخافي وياكـل الاسـرار ............ تحطمت نفسـي ولامـن يراعـي


إلـى ضحـك الليالـي بالانـوار ................ جتنا عواكيس الزمـن بندفاعـي


مدري وش اللي بس تخفيه الاقدار .......... هو لم شمل أوهو فراق وضياعي


بين الرجا والياس قاسيت الأمرار............ أكثر من اللي كان في مستطاعـي






ارحل بفكـرك





ارحل بفكـرك لـو دقايـق تذكـر ........... كل الوجيه اللـي تحبـك وتغليـك

تلقاني اكثر شخص وجهـه تكـرر ............ ماخان في حبـك ولامـل طاريـك

اغليك فوق اللـي تظـن وتصـور ............. لايبعـدك بالحيـل عنـي تغليـك

اخاف ياسي مـن لقـاك يتطـور .......... واتعب ورى طرد السراب برجاويك

يمـل قلبـي صـدتـك ويتغـيـر ............. وتفقد غلاك بخاطري والرجا فيـك

دامك بقلبـي لـك شمـوع تنـورل .............. اتطفي احسـاس المـوده بياديـك

يطري عليك بوقـت منـي تعـذر ............. واقول ذكرانا عـن الـود تكفيـك







أسرق النظــره




أسرق النظره وابادله النظـر ............ واحترس من شر حساد العيون


أدري انك بينهم مثـل القمـر ............... ومن تبسم لك تطارده الظنـون


ياحبيبٍ شوفتك خوف وحـذر .............. وش يسوي من يحبك في جنون


إن كتمت الشوق في قلبي قهر ................. وان تبين حبك الناس حسدون







أنا مدري




أنا مدري أنا المخطي أوأنت اللي علي أخطيت .... انا صارحتك بحب أبيك تحـن أبـي تـدري


ربيع العمر يالغالي أنـا ماجـا علـى بالـي .... تضايق من حقيقة خافي احساسي ومن سـري


أنا لوكنت اعرف أنك تبـي تبعـد وتنسانـي .... تركت السر في قلبي توقـد نـاره بصـدري


أنا بيدي عميت عيوني اللـي تسعـد بشوفـك.... وأنا بيدي ذبحت افراح نفسي بك وانا مـدري


كتبت العذر من دمعـي لعلـك تقبلـه منـي ..... وتنهي هجرك اللي طال يالغالي على عمـري



انت الربيع




انت الربيع وروض الازهار والسيل .................... بارضٍ تعـدى وسمهـا ماسقاهـا


تنظرك عيني وابتهج وإن بدا ................. الليل شفتك قمر يطـرد ظـلامٍ وطاهـا


أوقد غضا واسمر معـك بالتعاليـل ................... والصبح تاخذني عيونـك وراهـا


أيـام ماتنسـى بذيـك المداهـيـل ..................... تحت النفود وبين غالـي غضاهـا


أيام تروي شـف وتجـدد الحيـل ..................... وتداوي اللي بـه جـروحٍ شكاهـا


الله يعـيـده باللـيـال المقابـيـل...................... يازين نسيـان الجـروح وشقاهـا
















-------------------------

أيست من رجواك






أيست من رجـواك ياناسـي الحـب ............... لو بك رجا ماضاع عمري وأنا أرجيك

أربع سنين أرجيك وأشكي لك القلـب............... أشكي جروحه منـك ربـي يجازيـك

تشوفني يازيـن فـي عابـر الـدرب .................. وتصد عنـي كـن غيـري يناديـك

أعطيك قلبي وانت تعلن لي الحـرب ............... نفسك كبيـرة ماتبـي مـن يداريـك

تجرحني بصدك وهجرك بـلا ذنـب ..................إلا أن قلبي ياهـوى النفـس يغليـك







تلاقيت




تلاقيت انا واللي ترك صورتـه ذكـرى ............. بقلبـي وعينـي وافترقنـا بـلا ميعـاد


رجيته وعد قال الوعد صعب وانت أدرى.............. ظروف الزمن ماهي على كيفنـا تنقـاد


انا لو أبي ودي يصيـر الوعـد بكـرى................. ولا ودي انه يوم يمضـي وحنـا ابعـاد


رحل ببتسامـه والتفـت قـال مايـدرى ................... يجوز اللقا اللي صار صدفه لنـا ينعـاد


ترك للرجـا قلبـي جريـحٍ ولا تبـرى ................... جروحه ولـو حاولـت نسيانهـا مافـاد


عسى الله يعيد بشوف من شوفته تشـرى ................ وينهي فراقٍ منه انـا والزمـن بجهـاد











تونـا




تونـا ويـن يانـاوي تـروح ........... خلنـا نفـرح بشوفـك تـونـا


شوفتك لي هي دواء كل الجروح ................. لاتسافر فيك قلبـي مـا اهتنـا


من يلوم اللي على خلـه ينـوح ............. توي أدري ويش حبك ويش انا


دمعتي ماهيب من قلبٍ مـزوح ............ دمعتي فيهـا المعانـي والعنـا


لاذكرت أنك عن الديره نـزوح .............. ضاقت الدنيا الوسيعـه بالهنـا


أنت لي كل المحبـه والطمـوح ............. وانت لي كل السعـاده والمنـي








جاني مـن الماضي





جاني من الماضـي وفايـت لياليـه ............... ينشد عـن جـروحٍ دفنهـا زمانـي


وقفـت محتـارٍ عيونـي تراعـيـه .............. أبكي فرح وأبكي نـدم مـن حنانـي


مديت كفي وارتعـش بيـن أياديـه ............ رديت لسنيـنٍ مضـت فـي ثوانـي


بالله وش جابـك لقلبـي وطـاريـه ............. وش لك بتجديدالعنا اللـي طوانـي


لاتجرح اللي طـاب مافـات كافيـه ............ عطني جديد الحب وأغلـى الأمانـي


عطني حنانٍ ضاع عمري وانا أرجيه .......... اللي مضى من هـم حبـك كفانـي








حبي اللي في خيالي





حبي اللي في خيالي له وصوف .......... مالقيتـه غيـر بعيونـك أبـد


دايمٍ بالناس بالغالـي أشـوف .......... من كمل زينه ولا شـدن أحـد


لين جابتك الليالي والظـروف ........... كنها توعدك في قلبـي وعـد


بالغلا كنه على القلب محلـوف ............ مايحب الا انت وأعطيك العهد


صابني رمشك وسلمت الكفوف ............ خابرٍ مابي على اللوعه جهـد


صابني سحرالنواظر ياهنـوف ........... والحنان اللي بنظراتـك بعـد











حيرتني




حيرتني ياموقدٍ فيني النار ............. مابين نظراتك وبين المعاذير


لاقلت أبي شوفك تعذرت باعذار ................ وإن قلت كيفك قلت يافاهمٍ غيـر


يتعبني التفكير يازيـن واحتـار ................ ولكثرة الأعذار ماشوف تبريـر


مدري بحبك وش تبي مني اختار .................. البعد والا القرب أبي منك تبصير


تزاحمت بي من تصرفك الافكار ................ في نظرتك هجر وموده وتقديـر


يازين ريحني بجيـه ومسيـار..................والا قل ابعد وانتفارق على خير























داوني بالصبـر




داوني بالصبر والا بالوصال .............. داوني ياكل حبـي والرجـا


لاتقطع في يدي كل الحبـال ............... يابعد من حبـه بقلبـي لجـا


أنوني بالوصل والا قل تعال ............ وارحم اللي من همومك مانجا


شمس حبك مالها عندي زوال ................ وطيف زولك مايغطيه الدجا


أرتجيك الوصل ياحلو الدلال .................. بالنهار وكل ماليلـي سجـا


لو لقلبي عن محبتك احتيـال .................. ماتعذب في هـواك ولارجـا









سواد الليـل






هو سواد الليل مني فيـك غـار ................ يوم عجلٍ بيننـا وقتـه يسيـر


أو مثل شوقي لك اشتاق النهـار ............... انجرح من غيبتك وقتٍ قصيـر


ليه حتى الوقت يالمحبوب صار ................... بك يحاسدني ومني بـك يغيـر


مادرى وش كثر قاسيت انتظار .................... مادرى عن دامي الجرح الخطير


درب وصلك يحسبونه لي عمار .................... مادرو أنه على مثلـي عسيـر


مادرو بالحظ في شوفتك جـار ................... وإن قلبي في رجا الصدفه أسير








سيرة الشعر






سيرة الشعر لولا سحر عينك حبيبي .............. ماطرت لي ولاجا بالمشاعر قصيده


قبل أشوفك وانا لامن بعيد أو قريب ................. يبين الأوراق مابه من قصيده جديده


ساليٍ بعد جرحٍ كان فيني عطيبـ .................. يطاب لكن عيونـك ناويـاتٍ تعيـده


كم شقيت بحياتي ماذكرني نصيبـ ............... يغير في جرح شوق وفي همومٍ نكيده


أرجي الله حظي بالغـلا مايخيبـي .............. امسح احزان قلبي من سنينٍ عديـده










شمس المحبه




شمـس المحبـه قربـت للزوالـي ............. جاك البديل اللـي لشوفتـه تشتـاق


نويت هجـري يابعـد كـل غالـي ............. وين الزمان اللي مضى وين الاشواق


هانـت عليـك ايامنـا والليـالـي .............. وانهيت ذاك الحـب يازيـن بفـراق


نسيت جرحي ماطرى لك وصالـي .............. وانا لهيـب الشـوق بالقلـب وقـاد


انت بحياتـي كـل حـبٍ طرالـي ................ وانت بظلام الوقت لي شمس واشراق








عد الزمن






عد الزمن عـد بغـلاك الليالـي.......كم جرح مني جاك وبحقك اخطيت


وإذكرني بخير إن طرى لي مجالي .......والا بنفسك يـوم بالفكـر مريـت


مانت أول همومي ولا أظن تالـي..........دنيـاي يامـا لوعتنـي وعانيـت


ومانت أول انسانٍ على القلب غالي.....جابك زمان وراح بك مثل ماجيت


علمني الوقـت وزمـانٍ مضالـي............أعز نفسي لومـن الهـم قاسيـت



عطني مثل قلبـك





عطني مثل قلبك ولا أقول وينـك ........... لاغبت عني ياهوى البال وأبطيت


حبـك بقلبـي لوتشوفـه بعينـك ............ عذرتني من غيبتـك لوتشكيـت


أحن لك واشتاق لـك ولحنينـك ............ ويضيق بالي كل ماشفتك أقفيـت


كم ودي آخذ في يمينـي يمينـك ............. وأعيش في عمر الغلا وين حبيت


ماتبتعد بك عن عيونـي سنينـك ............... ولا تبعدك سود الليالي إلى جيت


أجرح ظروف الشك بي في يقينك ........... مالي بغيـرك عـزوةٍ لوتعنيـت


ياسلوتي قلـب المعنـا ظنينـك ........... لاتجرحه بالبعد دامـك توليـت




















عـنـــادك



عنادك يالمهاديـب الدقاقـه ......... أحبه لويجي في غير حينه


أحب اللي نظر عينه سراقه ............ يشوق بالغلا خافي حنينـه


إلى جت عيني بعين اشتياقه ............. تبستم ثم سلهم رمش عينـه


يعاندني عنـادٍ لـه مذاقـه ............ أحبه منه لونفسي حزينـه


يعاند قلبي بشوق ورفاقـه ............ ومن زود الغلا بيني وبينه













عين الغــــلا





عين الغلا لوشافتك جفـن واهـداب .............. ماتشبعك نظرة ولاترتـوي شـوف


اشتاق لك لحظات لارحت بغيـاب ............... ويصير شوف العين بالعين مخطوف


يشدني لك بالغـلا واجـد اسبـاب ............. وكل سبب أقوى من الثاني ظروف


اشوف غيرك بس ياكـل الاحبـاب .............. مافيهم اللي فيك من حس ووصوف


دامك معي ما احسب لغيرك احساب .............. كلي وفا لك واطرد الشك والخـوف






غابت الشمس



غابت الشمس ياويل العيون ............. آه ياطـول ليلـي والسهـر


كل ماغبت عنـي يافتـون ................. كني مفـارقٍ كـل البشـر


أدفن الضيق بالقلب الحنون ................ والتناهيد في عمـر القهـر


أقضي الليل هاجوس وظنون ................... ضايق البال مجروح النظر


كل ماقلت هونهـا وتهـون ................. عانق الدمع رمشي وانتثـر


مايعوضك غيرك لو يكـون .............. من يكون وغيابك لي كـدر










غلطة عمر




محبتك غلطة عمـر فـي حياتـي ............. ابعتـذر عنهـا لعمـري والايـام


اشقيت نفسي فيك من حسن ذاتـي .......... أزرع لك رياض الغلا وأرسم أحلام


حتـى بنفسـك ماتسـوي سواتـي .............. كلي وفاء وأنت الوفاء عندك أوهام


خذ حبك المجروح مـع ذكرياتـي ................... مابي بقايـا منـك ياغالـي العـام


لاني غناة لـك ولانتـب غناتـي .............. عشنا الغلا بس الغلا عـاد مـادام


أقولهـا ماعـض سنـي شفـاتـي ............. مابي حسايف يكفي عيونـي تنـام






قرب يطيب الجرح




قرب يطيب الجرح لولاي مريت ................ علـى دروبٍ ذكرتنـي بخلـي


وقفت حاير بين شوق وتناهيت ............... قلبي ينوح ودمع عينـي يهلـي


أبكي حبيب راح أقفى وانا أقفيت .............. يومه على ذا الدرب فيني يهلي


يوم الليالي لي علـى ماتمنيـت ............. يوم العذول اللي يلومـن مولـي


واليوم والله من هوانا تشكيـت ............ غاب الذي لايام عمري يحلـي


غاب وتركني غارقٍ بالتناهيـت ............ مابعده أحدٍ في حياتـي يسلـي






كذبة وفاء





ما دفعنـي للغيـاب إلا لقـاك ............ وماندمت من الفراق الا عليـك

صورتك في عيني إنسانه ملاك ................ وصورتي (كذبة وفاء)ماتهتويك

صعب تجمعنا المسافة في غلاك ............. والمشاعر تختلف فيني وفيـك

كان غيري ماصدق يوم بهواكا ............... لأصابع ماتساوى فـي يديـك

صار شوفك جرح واتعبني لقاك .................. راحتي بالبعد لو قلبـي يبيـك

ابعدي وابعد مادام إنه رضـاك ................. الفراق أرحم لقلـبٍ يرتجيـك

كلمة في خاطري




كلمة فـي خاطـري دايـم تجـول ............... كلمـةٍ لوقلتـهـا لــه ماشقـيـت


ودك أن الحـب مايبلـى خـجـول .................. أنقضى بالصمت عمـري ماحكيـت


إن تلاقينـا وإلـى صمتـى يطـول ............. وإن رحل قلت آه ليتي لـه شكيـت


حايـرٍ بالصمـت مفقـود الحلـول .............. حيلتـي ترديـد كلمـة ليـت ليـت


كلمـا حاولـت اعبـر لـه وأقـول ............... ضـاع تعبيرالـكـلام وماقـويـت


شوق يدفعني وخـوفٍ بـي يحـول ............ لين ضاع الوقـت منـي مادريـت


يازمان الصمت بـي شـوقٍ يهـول ......... وانقضى عمري ولا أدري وش نويت














لاتذكرني





لاتذكرني رحيلـك والغيـاب .............. لا تعجل فـي دمـوعٍ مقبـلات


لاتعذبني قبل وقـت العـذاب ............. لك دموع العين مافيها فـوات


خلني مرتاح لاتطري غيـاب ................ لاتخاف اعتاد ضحكات الشفات


حاسب للهم في بالي حسـاب ............... مانسيت أيامي اللـي مقبـلات


عارف ان أفراحنا هذي سراب ............. تنتهي بكرى وتبقي ذكريـات


ما نسيت أني جريحك لاتهـاب ................ سلوتي يانور عينـي بالحيـاة










لاتلتفت



لاتلتفت مثلك على الصد نقـوى ............ والجرح ياما غير حبك يداويـه


ياما بخلق الله مجاريح رجـوى ......... كم خاطرٍ مجروح والوقت مشقيه


بالناس أبلقى عن رجاويك سلوى ............ مافات شي ومنك انا الحب مابيه


جاملتك التجريح من غير شكوى ............ صبرت لين القلب ضاقت محانيه


يازين ماني لك على منت تهوى ............. يومٍ تبـي حبـي ويـوم تخليـه


بارق سحابك مالنا فيه رجـوى ............ مسكين قلبٍ من لياليك يرجيـه






لاتوهــم



لاتوهم رجعتـي يمـك ذليـل .............. ينقضي عمرك بوهم الانتظـار

كل جرح لعزتي عندي جميـل ............ وكل بسمة ذل بين اشفاي نـار

لونهاري صار من فرقاك ليـل ............. مابكت عيني على شوف النهار

ولو نسيت النوم من هـم ثقيـل ............. ماشكا جفن السهر لك وين صار

طبعي العزه وراسـي مايميـل ............. غير لله فـي مذلـه وانكسـار

كان عندك بي امل لوهو قليـل ............. أمسحه مانيب راجع باختصـار












لحظة التوديع




لحظة التوديع فيها ويش أقـول ............ كل مابالقلـب قالتـه الدمـوع


أعذرن يازين لوصمتي يطول .......... لاتلومن حسرة الفرقـا تلـوع


ودي أوادعك والعبره تحـول ............. موقفي صعبٍ وفرقاكم تـروع


أنتصر حزني وضاعن الحلول ........... وانطفت من لوعتي كل الشموع


في خفا قلبي تعابيـرٍ تجـول ............... في وداعك وانتهت بين الظلوع




للأسف




للأسف وبكل مراره لك أقـول .............. انتهينا واذكـر ايامـي بخيـر


مابقى لي غير فرقانـا حلـول ........... عن هوانا جرحك ابعدني كثير


كم تمنيـت المحبـه لوتطـول ............ و للاسف ماكل مانرجي يصيـر


وردة الأشواق لاجاهـا ذبـول ........... صعب ترجع مثل ماكانت عبير


لاتزيد اعـذار وتعيـد وتقـول .......... من غلاك احساس قلبي مستخير


فات وقت وراحت ايام القبـول .......... الفراق ارحم ولا به حل غيـر










للسالفـه باقــي




للسالفـه باقـي وللوقـت كلـمـه ............ تقولها لك عنـي احـوال الايـام


اللي ذرف لك تالي الدمـع دمـه .............. بكرى تشوفه حب ويشوفك اوهـام


لو للغـلا ياجـارح القلـب ذمـه ............... ماكنت انا اسهر وانت في ليلك تنام


ياللي تعشق الجرح ماذقـت همـه ............ ولا شكيت الحزن ليله من العـام


غير الوفـا ماشفـت فينـا مذمـه ............. واكبر عيوب الورد تعطير الانسام


ماعاد قلبـي فيـك شـي يهمـه .......... بيني وبينـك دارت ايـام وايـام


مات الغلا في قلبي اللـي يضمـه ............. واليوم ذق من صدنا موت الاحلام








لو تبادلني سلامـي




لوتبادلنـي سلامـي بالـسـلام ............ واضحٍ فيك الزعل ماهـو قليـل


باختصـارك ياحبيبـي للكـلام ......... . والتفات عيونك بسرعـه دليـل


واضح أنه ماكفى عـذري مـلام ........... تلتفت يمي وفـي لحظـه تميـل


كم علي أخطيت وتمـر بسـلام ........... ارتضي عذرك وقلبـي مايشيـل


عنك اسامح والتفت لك باهتمـام ............ وابتسم لاجيـت ماكنـي عليـل


انسى جرحي من غلاك ومن هيام ............ نفسي اللي فيك ماترضـى بديـل


لاتذللنـي سبـب زلـه حــرام ............. ماهقيتك يوم ترضى انـي ذليـل


لك شرحت الوضع في كل احترام ............ وش تبي أكثر من العـذر بدليـل


كان قلبك حـب غيـري ماتـلام .............. مالي الا انساك في صبرٍ جميـل











لو ماتشوف الود




لوماتشـوف الـود عينـي بعينـك ............. صدقت هجرانـك وكذبـت عينـي


ولو ماتحس أيدي برعشـة يدينـك .............. لاجيت اسلم قلـت مانتـب تبينـي


جمعت مع صـدك بعينـك حنينـك .............. حيرتني واحترت لك فـي حنينـي


بالله قلـي ويـش بينـي وبيـنـك .............. يغريـك صـد ويبعـدك ماتجينـي


ماشفت شخصٍ مثل طيبـك ولينـك ............... وماشفت انا أقسى منك أبد في سنيني










ما اقول لك مخطي




ما اقول لك مخطي ولا اقول غلطان ........... أقول انا فيك الظـروف اخذلتنـي


مانت اول اجروحي ولا أول انسان .......... غالي ومن شوفته ظروف احرمتني


في قلبي جروح وتباريح واحـزان ........... وعلى الصبر دنيا الشقـا علمتنـي


الله معك وانس الـذي بيننـا كـان ........... غلطه عليك اشواق نفسي رمتنـي








ماغيّرك غيري




ماغيّرك غيري حقيقه وأنـا أخطيـت ............ غريتـك بكثـر الغـلا واحتـرامـي


أسرفت لك بالود ليـن أنـي احييـت ........... فيـك الغـرور بلهفتـي وبهيـامـي


ماتدري أنـك بالجفـا لـو تماديـت ............ تفقـد غـلاك وبـك يقـل اهتمامـي


أعتاد من صدك على الصد إلى أبطيت ............ ويصير مالـك عنـدي الا السلامـي


طرد السراب ورجوة الحـي للميـت ............. ماتخـدع إلا معـه قـلـب عـامـي










ماكنت في بالي




ماكنت في بالي ولاكنت هاويك ............ وماكنت يالغالي تثير اهتمامـي


وماكان يعنيني إلا جيب طاريك .............. اسم وسمعته مثل كل الاسامـي


لين اجمعتني في عيونك لياليك ........... وحسيت لي عندك مكان ومقامي


شديتني في طيبةٍ شفتهـا فيـك ............ وكسبت تقديري وكل احترامـي








مالي ومال الوقـت




مالي ومال الوقت مادمت وأيـاك ............ أنت الزمن لي وانت كل المواعيد


خذ من زماني كل وقتي ويفـداك .............. مافي حياتي لك من الوقت تحديد


أنت الذي في بسمة من شفايـاك ............. أنسى همومي والسعاده لي تزيد


وأنت الذي يااعز غالي بيمنـاك ............. أخذتني من بحر الأحزان للعيـد


أقدر على نسيان قلبي ولا أنساك ............. غيرك أنا يافرحة العمر ما أريد

[غدير]

الله الله ياهاااااااااوي

غايه في الررروعه

لاعدمناك وماننحرم ابداعاتك

[هاااااوي]

الله الله ياهاااااااااوي

غايه في الررروعه

لاعدمناك وماننحرم ابداعاتك


الف شكر علي مرورك وتعطيرك الموضوع


هاوي

[بحر الأمل]

يعطيك العافيه

اخوي هااوي

على هالمسجاات

و عساك عالقوه

تحيااتي لك

بحر الأمل

[وهـــ *دلوعة*ـــم]

يعطيك العافيه

اخوي هااوي

على هالمسجاات

و عساك عالقوه

تحيااتي لك

[ღ غــ نجد ــــــلاღ]

الف شكر لك عزيزي هااوي على هالمسجات الراائعه



لاعدمنااا تواجدك العطر



تقبل تحيااتي

[العيون النرجسيه]

ياسيد احبابي






ياسيد احبابي على غيرك اغليـت ......... قلبي وعن غيرك تعـذر حنينـي


ويش انت بي ياسيد الكل سويـت ........... أعميت عن كل المخاليـق عينـي


لعيونك بكـل المحبيـن ضحيـت ............ واهديت لك قلبي وباقـي سنينـي


مدري لو انك يوم عنـي تخليـت ............ وشلون ابنسى الود بينـك وبينـي


بالحيل في حبك بقلبـي تماديـت ........... وابعدتني عن حب نـاسٍ تبينـي


زرعت نبت الشوق بالقلب واسقيت ............. من دمي غصون الغلا في يدينـي

هاااوي
تسم يمناك على كل ماتقدم
رائع بهالطرح
لاعدمناك

أختك
العيــــــــون النرجسيه

[هاااااوي]

الف الف شكر لكم علي مروركم

لكم من هاوي كل والود والاحترااااااام

[رمـاد انـسـان]

هاووووي

سمفونية تستحق التوقف عند
سماعها طويلا ..
والتغلغل الى شرايينها بكل احساس
فليس كل يوم يهنأ قلبي بسماع
اوركسترا بين معشوقين
وأي معشوقين ..!!؟
عشق ذهبي طاهر طهور
تسعد وتطرب النفس لممارسة
مشاهدة هذا الفلم الغجري من العشق
فيا لروعة جمال عشق الوطن
بكل ما به من جنون وثورة وفداء

[هاااااوي]

هاووووي

سمفونية تستحق التوقف عند
سماعها طويلا ..
والتغلغل الى شرايينها بكل احساس
فليس كل يوم يهنأ قلبي بسماع
اوركسترا بين معشوقين
وأي معشوقين ..!!؟
عشق ذهبي طاهر طهور
تسعد وتطرب النفس لممارسة
مشاهدة هذا الفلم الغجري من العشق
فيا لروعة جمال عشق الوطن
بكل ما به من جنون وثورة وفداء





يسلموووووووووون رماااااااااااااااد علي مرورك وتعطيرك الموضوع


تقبلمني كل الودوالاحترام

[آوتار الحياه]

يسلمووو هاوي

ربي يعطيك العافيه

ماننحرم جديدك

0000000000000

[هاااااوي]

يسلموووون علي مروركم وتعطيركم الصفحه


هاوي

[كامل الشوق]

هاااااااااااااااااااوي
اقدم شكري العميق على هذي

الرسائل الرائعه

من صاحب الروعه دوماً

ولكِ اطيب تحية من اخوكِ
كااااااااامل الشوق

[الجامعي]

ياغالي الـود قلبـي فيـك شديتـه ............ ولعتنـي فيـك يالغالـي وحبيتـك


ماقبلك أحدٍ من أول شوفـه اغليتـه .............. وشلون مدري هواك القلب واغليتك


وماقبلـك احـدٍ تولعـت وتمنيتـه ........... أكثر من أنـي تولعـت وتمنيتـك


ملكت قلبي لـك لحالـك ونسيتـه ................ ماكن بالناس غيرك يـوم لاقيتـك


محبتك غير يا أغلى انسان حبيـت ................ ما اذكر ترجيت كثر اني ترجيتـك


الله يقود النصيـب اللـي ترجيتـه ................ تعطيني اشواق قلبك مثل ما اعطيتك



...............


هاااااااااوي

تشكر ياغالي على المسجات

تحياتي لك