!!.. اذا قالوا لك .. بشو اترد ..!!

[عــا (وهم) شــق]

السلام عليكم ورحمة الله وبركاته


يتني فكرة عابرة لموضوع ..

استنتجتها .. من إللي نلاحظة في سلوكياتنا اليومية ..

وهي بإختصار .. في الردود العادية ( الرمسه ) وكيفية الرد الصحيح عليها ..

غالباً .. نشوف عيال هالزمان متساهلين ..

أو بالأحرى ما يعرفون كيف يردون على كبار السن ..

يمكن لقلة معرفتهم .. أو .. انطباع التمدن والتحضر حتى على ألفاظهم ..

ويمكن .. لعدم وجود الشخص إللي يتعلمون منه ..!!

..

المهم .. نحن هنيه بنحاول نتعلم مع بعض .. شـ رايكم .. ؟؟

وإللي ما يعرف عادي لا يتفشل .. تـرانـا نـتـعـلـم ..

بإختصار .. فكرة الموضوع ..
الحين يوم بيقولك حد كلمة أو عبارة .. بـ شو يكون ردك ( الصحيح ) عليه ..؟؟

مــثــلا :- إن قالك فــلان :

>> .. فــــالــك طــيــّــب .. <<

شـو المفروض يكون ردك ..؟؟!!

فهمنا ..

يالله .. ردوا عليه ..

[بحر الأمل]

أخويه عااشق

بالبدايه احب اوجه لك

جزيل شكري و تقديري ع هالموضوع الطيب

و بالنسبه لردي على فالك طيب

نقول

فاااااااالك ما يخيب

طيب احينه

( هووود) شو بيكون ردهاا؟؟

[عــا (وهم) شــق]

يسلمج ربيه ع المرور الكريم ريووون

لو حد قالنا : هوووود .. نرد عليه : اقرب

..

طيب لو حد قال : النامووووس

ابغي اشوف البداوة

[donia]

ناااموس

يكون الرد

يحقق لك الخير


لو احد قال : عظم الله اجرك

[الجامعي]

هلااااااا والله أخوي عاشق

موضوع حلو وجميل جداً

بالنسبه لبعض الكلمات فهي محلها غير صحيح لو دققنا فيها

مثلا تستاهل الناموس المعروف انوا الناموس حشره صغيره

تقوم بمص دم الإنسان .. لكن هنا معناها للتهنئه بالفوز

في إحدى السباقات اما الهجن او غيرها وهي كلمه دارجه ومنتشره عند

اغلب البدو لكن الافضل يقولون تستاهل كل خير .

[عــا (وهم) شــق]

دن دن .. الجامعي

يزاكم الله خيراً

اجدتم الرد .. واشكرك الجامعي ع التفصيل بالرد

..

بالنسبه حق من يقول : عظم الله اجرك

نرد عليه بقولنا : يزاك الله خير

..

طيب لو واحد قال : اهبشوا

[الجامعي]

الف شكر لك

بالنسبه لكلام دن دن أحيان بعضهم يقول أجرنا وأجرك وبعضهم

يقول جزاك الله خير ...

وبالنسبه لكلمة اهبشوا معناها تعالوا يعني تعالوا يارجال او يابنات...

طيب شو معنى كلمة إنتشعم

[عــا (وهم) شــق]

يوم واحد يقولنا : انتعشم

نقول له : فالك طيب او يسلمك ربي او العشم بك وباصلك

..

طيب لو واحد قال : صك الدعنه

بشو ترد ..؟؟

[بدويه مقلوعه]

معين من الله خير

والله كششششششششششششششششخه الموضوع يا مديرنا


اممممممممممم انا بحط كلمه

" ميبور ما صابك "

شوه ترد ؟

[عــا (وهم) شــق]

نقول : الميبر الله او شرماياك ويجفاك

طيب لو واحد قال : خطاك السو

بشو اترد ..؟؟

[بحر الأمل]

يسلمج ربيه ع المرور الكريم ريووون

لو حد قالنا : هوووود .. نرد عليه : اقرب

..

طيب لو حد قال : النامووووس

ابغي اشوف البداوة



<<<<<<<<< يايه ركض تقول غلط مو اقرب

الاصح يقولون هدا هدا

<< <<< اليوم تعلمتهاا خخخخخخخخخخخ


خطااك السوء

نقوله خطااك اللاش..

طيب اذا قالولك

استريح؟؟.

[الجامعي]

هااااااااااااااااااااااع

أكيد بقول عدوج الريح

طيب إذا قالوا لك صح لسانك

بشو ترد اعتقد سهله

[بحر الأمل]

نرد و نقول صح بدنك

طيب اذا قالولك و النعم؟؟

[عــا (وهم) شــق]

لو قالوا والنعم .

نقول ينعم ابحالك

طيب لو ياكم حد يطلب المعونه ..؟؟

[بحر الأمل]

لبيه أو عونك

طيب

اذا حد قال لك صح لسانك ؟؟ <<< سهله

[عــا (وهم) شــق]

صج ابدنج

طيب لو قالوا لج

لبيه

[قمرهم كلهم]

السلام عليكم

اولا اشكر عشوق الشرير ع الموضوع الرائع

لكن

للحينه مب فاهمه شي

ممكن توضحون الموضوع

يعني اي حد يرد ع الكلمه ويكتب كلمه من عنده ولا باخر حرف تنتهي فيه

او كيف

السموحه منكم

[عــا (وهم) شــق]

قمرهم كلهم

اشكرج الشيخة ع المرور

طبعاً الموضوع هو انه لو واحد قالج كلمه .. شو المفروض اتردين عليها

وتكتبن اي كلمه ثانيه عسب نشوف شباب هاالايام شو ردودهم

احينه لو واحد قال لبيه بشو نرد ..؟؟

[ღ غــ نجد ــــــلاღ]

الف شكر لك عااااشق على هالموضوع الحلوو


اذا قالو لبيه نرد ونقول لبيت بمنى او لبى قلبك


طيب اذا قالو لك قرة عينك ؟؟

[الامـاكـن]

والله ماعرف يا غلا نجد .... معنها معرووف قرة عيني .. يعني مثلا


غلا نجد ساكنه بـ قرة العين = هـي عيني الي اشـوف بـها

تدللي مدامك ساكنه بين الرمشين = اقولها وذكركم مافيه مثلها

انشاء الله وصلتالمعنى ولكن الرد ماعرف للاسف؟

ولكن بطلع من رمستنا الى كلام اهل نجد يا نجديه وسالكم واقوول

ان قاااالوا : ارحبووووو شو تقوول؟

ان قاااالوا : ماجووور شو تقووول؟

والباقي نحتفظ به للاسابيع القادمة بس لا تنسووون قرة عينك ؟

[ღ غــ نجد ــــــلاღ]

عزيزي الف شكر لك


فكلمة قرة عينك الرد عليها بشوفة نبيك


اما ماجورر الرد عليها الله يجيرك من العثور


اللي بعدي وش الرد على كلمة ارحبووو ؟؟

[غزلان]

اخي الفاضل
يعطيك الف عافيه على الموضوع الشيق
ومنها فرصه نتعرف على بعض الكلمات والردود المناسبه لها
---------------------

عزيزتي غلا نجد
كلمة === >> أرحبووو
ردها === >> البقى
---------------------

اممممممممممم
تيب كلمة ( سَّـــــــــــــــــم ) --- وش ردها ؟؟؟

[عــا (وهم) شــق]

سّــم انرد عليها بقول سّـم الله عدوك

..

طيب لو واحد قال

سلمت

[الامـاكـن]

أن قال لك الواحد

سلمت
تقول له

من قال سالم

[الامـاكـن]

ان قالك واحد

لا هنت

شو تقووول

[ღ غــ نجد ــــــلاღ]

ارد عليه بكلمة ولا تهون


واذا قاال لك احد لاتعبت وش ترد ؟؟

[alraid]

السلام عليكم ورحمة الله وبركاته

الف شكر عزيزي عاشق وهم على هالموضوع المميز

بس حبيت الفت انتباهك الى نقطة انه من الصعب حصر

ردود معينه على بعض الكلام لأنه كل منطقة او كل قبيله

لهاردودها الا تختص فيها وبكل صراحه معظم الأجابات الا قراتها

بالنسبة للمنطقة الا اعيش فيها ما نقولها ولا نتدوال فيها فحبيت الفت انتبهاك على هذه النقطة

وشاكر لك سعت صدرك على قرات هذه النقطة البسيطة

ندخل في صلب الموضوع

بالنسبة للرد على (( لا تعبت )) احنا بنقولها بطريقة اخرى وهي (( تعبناك معنا ))

وردنا عليها (( تعبك راحه )) وان كان في رد ثانيا لها ياريت تكتبه على اساس نتعلم

وش ترد على الا يقولك (( يسرا ما تشناك )) يعني واحد معطيك شئ باليد اليسرى لأنه اليد اليمنى ما يقدر يعطيك بها

[دلع شرقاوي]

احلااااااااااااااا :1:

منكم نستفيد :1:

<< خاشه عررررررررررررض :11:

إذا قالوا لاتعبت نقول لا ندمت << بازة بها ههههههههههههههه

أما الثانيه والله ماعرفتها ض7 << أبي هالإختصار تكفووون

(( يسرا ما تشناك ))

8

موب في قاموسي :1:

7

نخليه للي بعدي :1:

7

توووووووووووهق هاااااااااااع << تذكرت زيون ض7

[دلوعة أخوها]

عااشق دوومك مميز ..

.,.

يسرا ما تشناك

<< تطالع بعين وحده .. تبدل العين .. ملامحها تتبدل

و الله ما أعرف

<< استحي يا بنت هذا أول رد لج في الموضوع