//الـــمرجله ماهيب كلمه وتنقال//

[دهن العود]

بسم الله الرحمن الرحيم

هذي اول مشاركه لي في منتداكم الرائع .... لكن ماحبيتها تكون في قسم الترحيب لاني عارفه انكم بترحبون فيني وما بتقصرون معاي لذلك قلت خلني ابتدي معاهم بالمشاركات على طول ولاني احب الشعر اخترت القسم هذا وسجلت فيه اولى مشاركاتي .... صحيح هي بداية قويه ههههههههه بس شو اسوي احب ابتدي بقوة لووووووووووول واتمنى تنال اعجابكم



إذا المراجل لبسـة شمـاغ وعقـال
..................قـل للعـذارى يلبـسـن العمـايـم

ماعاد يفرق زول حرمـه ورجـال
...................دام الفعايـل تشبـه البعـض دايـم

المرجلـه ماهيـب كلمـة وتنقـال
................وتروح ماراحـت هبـوب النسايـم

وإلا خشونة صوت أو رفع الأثقـال
.................أو رزة صـدور وفعـل الـزلايـم

ولاهي بعد مفتـاح موتـر وجـوال
.................وإلا ردى لسانـن حديثـه شتـايـم

المرجله شيمه عـن القيـل والقـال
................رفيع نفـس ن حـر بالجـو حايـم

المرجله عقـل وزن وزنـه جبـال
...................ودون العقـل وش فرقنـا والبهايـم

يامسندي لو مايل الوقت بـي مـال
........................ياولـد أبويـه ياعظيـم العـزايـم

يامعرب الجدين من العـم والخـال
.........................يانخـوة المفـزوع وقـت الهزايـم

المرجله ياخوي هي طولـة البـال
.....................هي العزم هـي الصبـر فالظلايـم

فيهـا الكـرم عـزه دلـه وفنجـال
.....................فيها الكرامة عن ردى الطبع شايـم

والدين لامنه خـذا القلـب منـزال
....................مشى طريق الحـق وابليـس نايـم

ومن لاعرف ربه في طيب الحـال
.....................لابـد وقـت الضيـق بالهـم هايـم

حتى صلاتك مع جماعات ورجـال
........................في خيرهـا ياخـوي نعـم الغنايـم

ولامن نصف ليلك قم صفـي البـال
.......................ياعظم أجـرك بيـن ساجـد وقايـم

ولامن رفع ربي له كـل الأعمـال
....................حسن الذكر لاقالـو فـلان صايـم

وخلك شريف القصد ياطيب الفـال
..................سـوء المقاصـد فالبيـوت الهدايـم

واحذر تبيع النفس في درب الأنذال
.................وتتبع خـوي إبليـس راع النمايـم

النفس خيـل لـك إذا كنـت خيـال
.................ومن لاقوى نفسـه قوتـه الهزايـم

ولا صرت ماتدري لويش أنت رجال
.......................والله خسـارة فيـك ذبـح التمايـم

وسلامتكم..

[هاااااوي]

هلا والله وغلا ومرحب مليون اخوي دهن عود اصيل وغالي


صح لسانك الغالي


نورت وشرفت بيتك الثاني وحنا اللي رح نرحب فيك


ماطلبت شي غالي


هاااوي

[السيل]

دهن عود

يعطيك العافية على النقل

الرائع قرأت هذي القصيدة

من قبل وكنت معجب بها

وهذا يدل على أن ذوقك عالي

في الاختيار لنقل القصائد الرائعة

وأنك صاحب ذوق عالي في الشعر

كل الشكر لك أخوك السيل

[ღ غــ نجد ــــــلاღ]

؟)؟ دهــــن العود؟)؟

هلاااااااا بك بالعوود وأهلـــــــــه حيااااااك الله في منتدانا اخـاَ عزيزاَ

صــــــــــــح لســــــــــاانك


كلمات في قمة الروعه ... وخاصة هذا البيت


يامعرب الجدين من العـم والخـال
.........................يانخـوة المفـزوع وقـت الهزايـم

[دهن العود]

هلابك زود اخوي هاوي وتسلم على الترحيب ماقصرت .......... وصح بدنك

وعلى كثر ما انا مستانسه انك رحبت فيني الا انك زعلتني كثيييييييييييير انا بنت ماني ولد ليه تقولي اخوي ههههههههههههههههههه بس بعتبرها غلطه مطبيعيه وياليت ما تتكرر لانها والله تحز في الخاطر

ولك مني كل الشكر والتقدير لشخصك الكريم

اختكم
دهن العود

[دهن العود]

الله يعافي قلبك اخوي شاكره لك مرورك الكريم على صفحاتي ،،، واطرائك الرائع ولا يسعني سوا ان اشكرك واتمنى تواصلك مع صفحاتي يكون دايم وما ينقطع

بس عندي ملاحظه بسيطه ههههههههههههه يوم انك تجملت فيني ورديت علي ليه ما تمعنت في الكلام ترا انا بنت ماني ولد ... تهي تهي بس ارجع واقول غلطه مطبيعه ولاعاد تتكرر

ولك مني كل التقدير لشخصك الراقي


اختكم

دهن العود

[دهن العود]

تعجز اناملي ان تكتب لكم مدا اعجابي وفرحي بترحيبكم لي ، ولكن لابد ان اعبر لكم عن شكري وخالص امتناني لكم

وصح بدنك اختي

بس وربي اني بنت هههههههههههههههههههههه للمره الثالثه

تقبلي مني تحياتي وصداقتي الدائمه

اختكم

دهن العود

[الـــهـلالــيـه]

صح لساااااااااااااااانك



على هالقصيده



:1 (32): :1 (32): :1 (32): :1 (32): :1 (32): :1 (32): :1 (32): :1 (32): :1 (32): :1 (32): :1 (32): :1 (32): :

:fahd1 (75): :fahd1 (75): :fahd1 (75): :fahd1 (75): :fahd1 (75): :fahd1 (75): :fahd1 (75):


:fahd1 (13): :fahd1 (13): :fahd1 (13): :fahd1 (13): :fahd1 (13):


تقبل مروري

تحيااااتي


الهلاليه