صبغة في البيت**********************

[قـطرات الندى]

مرحبا آنساتي...

كثير مننا...لاسباب مختلفه...تحب تصبغ شعرها بنفسها ..<<<== هالمخلوئه هيك

وطبعا الصبغ في البيت...شي مو صعب ..زي ما تتخيله كثيرات...

الاهم هو توفر هالمواد عندك:.
تي شيرت قديم..وخليه لابغيتي تزيتين شعرك او تصبغين..تلبسينه..عشان لو يتبقع مو حسافه

مريله الصبغ وتلاقينها عند نزيه..

اناء الصبغ البلاستيك وفرشاة التوزيع تلاقينها عند نزيه...وكلبسات البلاستيك برضو تلاقينها عند نزيه.
غطاء بلاستيكي للشعر عند نزيه برضو..

قلفز طبي..خذوه من الصيدليه...كرتون..اقتصادي..يتم عندك عمر..

الطريقه:

اول شيء من المستحسن ان شعرك يكون مزيت شوي ..يعني له ثلاثة ايام ماشم ريحة المويه على اقل تقدير
ثاني شي..البسي التي شيرت القديم..والبسي القلفز..والبسي المريله..ثمين جيبي محلول الصبغه

وفضيه كله في اناء البلاستيك..واضيفي له الاوكسجين او مظهر اللون اللي يجي تبع الصبغه..واخلطي

الاثنين بالفرشه..الين يتجانسون..ويغمق اللون نوعا ما...وبعض الصبغات تحتوي على مثبت للون..اذا
وجد حطيه معهم..

تكونين ممشطه شعرك....ابدئي من اسفل شعرك وخذي اول طبقه..واصبغيها بالفرشه..وغطيها زين بالصبغه .

واذا خلصتي اجمعي الطبقه اللي غطيتيها بالصبغه بكليبس..وانتقلي للطبقه اللي بعدها من

شعرك..وهكذا دواليك..الييين تاصلين للغره..وخليها اخر شي تصبغينه...وبعدين..عقب ما تغطين شعرك

كله بخليط الصبغه..فكي الكليبسات..وافركي شعرك زين..باصابعك وخلي الصبغه تتخلل شعرك

تماما ....مثل ماتفركينه بالشامبو..وبعدين غطيه بالغطاء البلاستيكي..واتركي الصبغه..لمدة ساعة

الاربع..وان طولتي ساعه.وفيه ناس تجلس ساعة ونص..بس اكثر من كذا خطر..ويتعب الشعر.لان

اساسا المدة الكافيه نص ساعه...فمابالك لو تطولين ..بتكونين تعدمين شعرك..

وبعد مرور الساعه اشطفي شعرك بالمويه .الين تنزل المويه صااافيه من شعرك..بعدين جففي شعرك

بالفوطه..وبعدين ضعي البلسم المرفق بالصبغه على كامل شعرك وافركيه جيدا باصابعك....وانتظري

عشر دقايق او ربع ساعه..وبعدين اشطفي شعرك بالمويه مره ثانيه.وبعدين جففيه كالمعتاد..بس

لاتغسلينه بالشامبو..بعد الصبغه مباشره...كذا ..راح تنزعيا للصبغه.

المهم لو شعرك قصير..تكفيك عادة علبة صبغ وحده..
لو شعرك طويل..خوذي من علبتين الى ثلاث علب..

واذا تبين نصيحه..اصبغي في البيت الالوان البنيه والسوداء .والعسليه..او الاحمر..هالالوان هي عادة

تطلعين بنتيجه كويسه..اما الالوان الفاتحه..مالك الا الصالون عشان تطلعيين بالنتيجه المطلوبه اللي عادة تحتاج لعملية سحب اللون..

وعشان تطلعين بنتيجه مرضيه اذا بغيتي درجه معينه في بالك خذي الافتح منها..بدرجة او درجتين..لان
شعورنا غامقه..فيالله ناخذ افتح من الدرجة اللي في بالنا.عشان تبان معانا نتيجه كويسه

وفيه بنات فنانات..يخلطون كم من لون ودرجه ويطلعون بلون حلو ... .عادة هذولي لهم طريقة في الخلط ومقاديره ونسب الاوكسجين ومحلول الصبغه..يابختهم ..بس اكثرهم يحتفظون بهالسر ..

اتمنى اكون افدت بهالموضوع..

والحين ابي تجاربكم المنزليه في الصبغ...وماهي احسن الصبغات اللي استعملتوها..وارقام الدرجات اللي جابت نتيجه رائعه ..وهل لكم طريقه في الخلط..ممكن انها تعطي نتيجه افضل ولون غني ومضمون اكثر..

[الزينه]

تسلمين
ختيه لاعدمنا مواضيعج المميزه
تحياتي لج
زينه

[دلع شرقاوي]

تسلمين يالغلا

الله يعطيك العافية

[دلوعة أخوها]

حركاااات قطرات ... تشتغلين في صاالووون هااه

و منكم نستفيد .. و نخسر الصالوناات

نتريا يديدج