الشاعرة عابرة سبيل .. مقتطفات من شعرهـــا

[شموخي شماليه]

السلام عليكم ورحمة الله وبركاته ..

اتحدث اليوم عن شاعرة ظهرت شمسها وغابت فجأه ..

انها عابرة سبيل تلك الشاعرة التي تقول عن نفسها





أهلي يـدرون إنـي شاعـرة
بس مايدرون في جرح الليالي
يمنعوني من كتابـة خاطـرة
مادروا إني من زمان بهالمجال
آه لو يدرون اني (( عابرة ))
عندهم بتصير موتتنا .. حلال




كانت الشاعرة عابرة سبيل .. هذا اذا كان حقيقة ..

لاتخلوا قصائدها من الطرافه حيث تقول عن بطاقتها الشخصية







أنا عجـوز مطلقـة وأم ورعـان
وأيضاً مدام وبنت وآنس وعانس
أنا بدوية وعايشه عند حضـران
وبنت البحر وأبوي زارع وغارس
أميةٍ ماتعـرف حـروف وألـوان
وتلميذةٍ دشـت جميـع المـدارس
ظفرة وخبلة عاقلة فـي نقصـان
شرود وأنطح لي ثمانين فـارس
خلوني أعيش العابرة دون عنوان
طيفٍ يمـر بلارقابـة وحـارس







اترككم مع مختارات من شعر شاعرتنا ...

°•.♥.•° عــــــابرة سبـــــيل °





بريال عارضته على السوق بريال
من باعني برخيص والله لأبيعـه
من يشتري رجّال قصّر بالافعـال
باع العهـود الماضيـه للخديعـه
رجّال يسوى له ثمانيـن رجّـال
كل الصفات اللي ملكهـا فضيعـه
له ضحكةٍ تشبه لضحكات الأطفال
ذيبٍ ونظراتـه حنونـه وديعـه
وله فزعةٍ منها المجانيـن عقّـال
وفجوج لا ضاقت عليّ الوسيعـه
ياما عدل عوجا ثقيـلات وطـوال
وأنا معاقبتـه غيـورٌ صريعـه
والله يسوى لـه ثمانيـن رجّـال
والخبل مثلي لا زعل يب يبيعـه

وهنا تأخذنا شاعرتنا رحمها الله الى الأصالة ..

حيث النقاوه .. حيث البساطه .. تأخذنا الى حياة البادية ..

وقصيدة بعنوان (( رســـــــــالة من بــــــــــــدوية ))





تعال بشـرح لـك أنـا كـل مغلـوق
تعـال شاهـدنـي مــع ذكريـاتـي
لا لا يغرك لبـس موضـة ومسحـوق
انفض غبـار الوقـت تلقـي صفاتـي
قرب وطالع معّـن الشـوف بحـدوق
وزيف التطـور جـرده مـن حياتـي
بتشوف في وجهي من الماضي اطروق
أخذت من بطـن الصحـاري صفاتـي
طفلـة بثـوب مخيطينـه ومفـتـوق
تنطـر جديـد الثـوب بالعيـد ياتـي
سمعت طرف اخبار عن كلمة السـوق
وتاخذ وتسـأل هـو وجـوده ثباتـي
طفلـه سحبهـا الوقـت للهم برفـوق
حتي انهـا صـارت مـن العاشقاتـي
وجار الزمن وعـرض الحـب للعـوق
شـرق ركايبهـا وهـم مشمـلاتـي
واتلا عهدها فيـه يركـض ورا نـوق
مسرود جيب وفـي يدينـه عصاتـي
ويصد لكن يلتفـت لـي مـن الشـوق
عجـلان يلخصنـي بعيـنٍ تحـاتـي
وقفـى وخطواتـه يتـلـن معـلـوق
وخلانـي ماتنقـل عظامـي عباتـي
ودار الزمان ولا مشي الحـظ بوفـوق
ومازلـت أخفـي بالظـلام اعبراتـي
ولا زلت أنا العب له علي كل طـاروق
حتـي يجيـب الله مـوعـد وفـاتـي
ا
لشاعرة عابرة سبيل ..

ابدعت في كثير من القصائد ..

لقد نشر لها الكثير من القصائد ..

وطبع لها ديوان شعري ..

وعند البحث عن حقوق هذا الديوان وجد مهول الهوية ..

لكنها كانت مجهوله للجميع ولم يستطع احداً تحديد هويتها ..

تضاربت حولها الروايات .. فهناك من قال انه لاوجود لها وانما يكتب ذلك رجل ..

وعندما انحرج من اظهار اسمه قتل تلك الموهبة المتمثله بــ عابرة سبيل ..

وقيل انها شاعرة حقيقية لكن خوفها من عائلتها هو الذي حال دون اظهار اسمها ..

لكن رحلت المبدعة الشاعرة الكبيرة التي استطاعت ان تصل الى قلوب الناس ببساطتها

وقربها من قلوبهم ومن معايشة حايتهم واوضاعهم ..





°•.♥.•° عــــــابرة سبـــــيل °•.♥.•°

كتلة الاحساس والمشاعر اللتي كالجبل المتدفق منه ينابيع وشلالات تسربت من بين صخور الشموخ والمعاناة ..


°•.♥.•° عــــــابرة سبـــــيل °•.♥.•°


من ارووووع الشاعرات بنظري ..





حان الفراق .. وتـم توديـع غاليـن
قسوة زمن وظروف ماهـي رحومـه
وحاولت ابدّل موقف العسـر بالليـن
وأبيـن قدامـه جـسـور ظلـومـه
وأعاتبه وأنقـد علـى دمعـة العيـن
وانـا - حشـا لله - مانـي ألومـه
وأقـول هـذا حـال كـل المحبيـن
وهذا الفـراق الـي تجينـا علومـه
ومسكت نفسي كـن ماصايـر شيـن
أخشى علـى خلـي يشقـق هدومـه
ثم قلت وش تنطر حبيبي لهالحين؟ !!
أثـر ايدينـي ماسـكـات كمـومـه
عابرة سبيل


ضايقه بالحيل محتاجه اشتكـي
لولا طبع فيّ .. يمديني شكيت
بس أدور عذر منشان البكـي
لو يدوسون بطرف ثوبي بكيت
كل ماجيـت اتريـح وارتكـي
يزدحم في خاطري الفين بيـت
ويش بيدي افعله غير الحكي؟
قاصره خطوات رجلي لو مشيت
أسرعي يانفس موتي واهلكي
صرتي همي يوم بالدنيا شكيت



عابرة سبيل





لا تسافـر وتتركنـي أجاهـد غـلاك
كل شـي يهـون إلا جهـاد الغـرام
أما تبقـى معايـا أو اسافـر معـاك
لاتخلينـي لطـوال الليالـي طـعـام
خوفي البعد لامنـه خـذاك وطـواك
مثل قصـر تـولاه الزمـن والهـدام
لا تسافر وانا اللي في رجا الله ورجاك
!! لاتسافـر وتلقانـي بقايـا حطـام
عابرة سبيل




كل ما اتصل فيك.. صبح وليل تشكي لي
من عوج الاوضاع والدنيـا ومتاعبهـا
مليت يا صاحبـي مابيـك تحكـي لـي
هالأسطوانـه أنـا ملـيـت مطربـهـا
حتى خيالـك بتـال الليـل ياتـي لـي
جـروح وعيـون معقـوده حواجبهـا
عيشتني بعالـم ماهـو علـى جيلـي
زهرة شبابـي حـرام انـك تخربهـا
يامـا هجرتـك ولا كملّـت ترحيـلـي
حبايـب ماتعـبـر عــن حبايبـهـا
حبيبتـك مـا تحـمّـل هالبهاذيـلـي
إضحـك معاهـا ولاطفهـا ولاعبـهـا
هيّـا تغـزل وغـن وزيـد تدليـلـي
البنـت ياحبـهـا لـلـي يداعبـهـا
قلي وش رايـك بفستانـي ومنديلـي؟
الوانهن تعجبك .. أو مانـت راغبهـا؟
وقلي وش رايك بعقدي مع خلاخيلـي؟
وشف قذلتـي يـوم قصينـا ذوايبهـا
وقلي وش رايك بأطباعـي وأقاويلـي
لاحـظ عليهـا وغيّـرهـا وشطّبـهـا
خل بيننـا انقـاش وعلـوم وتعاليلـي
وآمر على البنـت وان حبيـت طالبهـا
يامدمـن الهـم كافـي دمـع بالليلـي
بكره تشبـع مـن الدنيـا ومصايبهـا
دنيـاك والله .. ماتسـوى التزاعيلـي
حتـى ولاهيـب كفـو الـي يعاتبهـا






عابرة سبيل





ليتنـي البارحـه ياغالـي ماسريـت
يم درج ٍ مقفـل مـن قديـم السنيـن
أشهد اني فتحته وانتحبـت وبكيـت
شفت ماهيض الجرح القديـم الدفيـن
شفت وسطه رساله وليتنـي ماقريـت
بيت شعر قديم وظرف مع صورتيـن
اشهد انـي لغيـره بالغـلا ماعطيـت
واشهد انه بغاني مير ما مـن عويـن
صحت من قلب ياويلي على اللي هويت
وقمت امسح دموعي من يسار ويمين
لاطرالي حبيبي بصوت واطي حكيـت
!! إنا لله .... وإنـا للولـي راجعيـن




عابرة سبيل




يمـه .. يايمـه .. فديتـك لاتخلينـي
بعثرني الهم وأبغى يديـك تجمعنـي
يمه افهمينـي تـراك ان مافهمتينـي
مافيه شخـص بهالدنيـا بيسعمنـي
ماعدت انا طفلتك.. كبـرت شوفينـي
خليك يمي تـرى الاطمـاع تتبعنـي
لاتدللينـي .. أبـي منـك تدليـنـي
وابـي ايديـك تداعبنـي وتصفعنـي
ولا انهد حيلي أبي عطفـك يقوينـي
ياما كلامك علـى الشـدات شجعنـي
وان جيتك ابكي .. ابي منك تهدينـي
مابيك تبكين .. أبغى العقـل ينفعنـي
يامملكة عطـف ياعطـر الرياحينـي
براثن الهـم والهوجـاس تلسعنـي
بسمتك عندي الا من ضقـت تكفينـي
وارضاك عني عن الاحزان يرفعنـي
اسمى العلاقات تربـط بينـك وبينـي
ياللي احضانك ان ضاق الكون تاسعني
لك احترامي وحبي والوفـا .. فينـي
وفيك اروع الحب مايخطي ويخدعنـي



عابرة سبيل





دوم يعيرني يقول : انتـي متيـن((حلجك)) المفتـوح لازم نغلقـه
هيه (( يادبـه )) لـزوم تخففيـنوالاا أثور فيـك عشريـن فشقـه
وفي رجيمي استمريـت اسنتيـنجدي اللـي مـات بغيـت ألحقـه
ويش رايك؟... قلتها بصون حزينقال دبه .. وانقلبتي لـى اسلقـه





•.♥.•° عــــــابرة سبـــــيل °






ليصاحبٍ منه تبي تطلـع الـروح
خبلٍ ومن هي مولعه فيه .. خبلـه
عاملين المح له من الجد ومـزوح
واقـول ياعنتـر تناديـك عبلـه
طال المدى ثم قلت انا اغليك يالوح
مجروحه جرحٍ مخاطـره عجلـه
دنق وقال آنا من العـام مجـروح
وأشر لجرحٍ مبطي وسـط رجلـه






عــــــابرة سبـــــيل °






ياخبلي الغايب متى ترد للعين
متى اشوفك او تجيني رساله
صحيح بالدنيا خبولٍ كثيرين
لكن خبالك ياحياتـي لحالـه


عــــــابرة سبـــــيل





خلون اعيش العابرة دون عنوان
طيفٍ يمر بلا رقابـة وحـارس





عــــــابرة سبـــــيل °






أبكسر الاغلال واعيش حره
بصنع قراري وكل شيٍ بيدي
مليت من صبرٍ عطاني مضره
أعيش في عصرٍ لجدّان جدي





عــــــابرة سبـــــيل °






وما دمت أنا متعافية ما زلت في سن الربيع
مهما يكن حجم العمل أرفض وجود الخادمه



عــــــابرة سبـــــيل
°




يسألوني عابـره ويـن الجديـد
والاجابـه ضايقـه فينـي ملـل
راحت ايام السعـاده والقصيـد
عشتها بيـن التكانـه والجهـل
كنت اروض شارد الحرف العنيد
ماعسرني لو بغيته فـي عجـل
فيه اصور لوعة الحـب الاكيـد
ومنّه(اشكل) ماحوى قلبي غـزل
ومعه (اسافر) عن معاناتي بعيد
ولأجل حبه ماشحنّي من زعـل
احضنه (فرحة) طفل في يوم عيد
واسكنه (روض) الخزاما والنفل
واحتويته ليت لي (قلب ٍ) بليـد
ماعرف (فرق) الجزاله والهـزل
والنهايه مابقـى عنـدي جديـد
واعذروني صارت ايامـي ملـل



عــــــابرة سبـــــيل

كانت الراحلة الشاعرة المعروفه عابرة سبيل تكتب شعرا جميلا خلف ستار
الاسم المستعار ولكن هنا سنذكر بياناتها الحقيقية بعد اعترافها وكذلك اشياء
لم نكن نعرفها واليكم

1\ اسمها الحقيقي وسميه العازمي( ام فهد ) من الكويت
2/ عمرها الحقيقي عند وفاتها43سنه
3/لديها اربع بنات وولدين
ولقد توفيت في تاريخ 18/ 3/ 2003م
الساعه العاشرة والنصف مساءا وقد ذكرعنهاانها انسانه طيبه جدا وهادئه وتكره الاعلام
والمفاجاة ان زوجها لم يكن يعلم بشاعريتها الا عندما اعترفت له بذلك اثناء مرضها

وزوجها هو من تولى طباعة ديوانها ورفظت
هي ان تستلم دينارا واحدا من مبيعاته وهذا دليل على روعه هالشاعر ة الطيبه رحمها الله

عــــــابرة سبـــــيل °





ترى الذبايـح واهلهـا ماتسلينـي
انا ادري ان المرض لايمكن علاجه
ادري تبي راحتيل لا يابعـد عينـي
حرام ماقصرت ايديك فـي حاجـه
اخـذ وصاتـي وامانـه لاتبكينـي
لوكان لك خاطرن ماودي ازعاجـه
ابيك في ايدينك تشهدني وتسقينـي
وداعتك لايجـي جسمـي بثلاجـة
لف الكفن في ايديك وصف رجليني
ماغيرك احدن كشف حسناه وحراجه
ابيك بالخيـر تذكرنـي وتطرينـي
يجيرني خالقي مـن نـار وهاجـه
سامح على اللي جرى مابينك وبيني
ايام امشي عـدل وايـام منعاجـه
اعيالي همي وانا اللي في يكفينـي
علمهم الديـن تفسيـره ومنهاجـه








منقول
:
:



لـــكـــم ووودي

[المعذووور]

سيدتي الكريمه

شموخي شماليه


رغم أنني لست شمالي ولكن إنتمائي لبلدي الغى الفروقات

قرأت لها من قبل وكانت بحق شاعرة لامعه رحمها لله


بيّض الله وجهك وطيّب فالك

عزائي الوحيد في ردي الركيك أنني أول من وصل به نظره الى هنا


تقبلي تواضع مروري


كنت هنا
!
!
!
!
!
!
!
!
!
!

!
!

!
!
!
!


المعذووووووووووور

[مها نجد]

http://www.upload2world.com/pic59/upload2world_9c241.gif (http://www.upload2world.com)

[الفراشة السوداء]

الله يعطيج العافية

وتقبلي مروري

إختج الفراشة

[شموخي شماليه]

مشكوررررررررررررين على ردودكم والله لايحرمنا من اناملكم
الذهبيه ويعطيكم العافيه
على مروركم العطر

[هاااااوي]

الله يرحمها ويغفر لهاااااااااااااااااا


الف شكر يالغلااااااااااااااااااا علي اجمل القصيد للشاعره

تقبلي مروري

[ღ غــ نجد ــــــلاღ]

شموخي شماليه


ألف شكر لك عزيزتي عالقصائد الرائعه


دام أبداعك