النااس اشكال والوان.....!!!؟ [الأرشيف]

جودر

07-12-04, 01:18 مساء

الناس بالدنيا على أشكال وألـوان
هزوا خفوقـي ثـم جنـوا جنونـي
ربع وجماعه صدق واصحاب واخوان
مرت سنين أضحكتهم واضحكونـي
حتى تفرقنـا بـلا هـم واحـزان
بالعكس والله شلتهـم فـي عيونـي
واخذت لي مده وصاحبـت خـلان
واليا ذكرت أصحابي أرهت جفوني
حتى لياليهم غـدت كـان ماكـان
واصبحت أقول من الغلا مانسونـي
حطيت لي هاتف ومكتب وعنـوان
وقلت انهـم اليـا بغونـي لقونـي
والحين لي مده وهو شانهـم شـان
لقيتهم مـره وصـدق اجحدونـي
ماكنهم شافوا على العيـن .....
ولا كنهم طول السنيـن اعرفونـي
راحوا وصرت أشكي من الهم سلوان
يمكـن مضايقهـم وهـم مايبونـي
واقفيت مثل اقفاية الذيب سرحـان
لعلهـم لابعـدت يمكـن يجونـي
لني ولد من ناسن أحرار وشجعـان
وشلون في وضح النقـا ينكرونـي
ودار الزمان وجاني الخـل بلشـان
ويقول حنـا ويـش حنـا بدونـي
توه تذكرني واصبح الشيخ ولهـان
من يوم شافوا مصلحـه صادقونـي
وينك من أول تجحد الناس جحدان
تـوه نذكرنـي وتـو اذكـرونـي
هذي حياة الـذل حجـه وبرهـان
شفت انهـم واليـا بغونـي لقونـي

وسلامتكم

جووووودر

*NAJLAA*

07-12-04, 05:38 مساء

صـــــــحـ لســـانكــ..

وتسلــــمـ يديكـ

ودمـت في ابــــداعكـ..

حنان الكون

07-12-04, 07:01 مساء

http://www.ghalay.com/up/get-12-2007-4iywrqyx.gif (http://www.ghalay.com/up)

قـنـاص الحـب

07-12-05, 03:38 مساء

صح لسانك

مشكور على القصيده

ست البنات

07-12-05, 05:22 مساء

صح الله لساااااااانك مبدع بصراحه

تقبل مرروي

عبودي&احلاسعودي

07-12-05, 09:38 مساء

صح لسانك حبيبي جودر

والله كلمات رووووووووووووعه

دمت بود؛؛؛؛؛؛؛؛؛؛