هي قطاوه حينا تعرف تنام؟؟؟؟؟؟؟؟؟!!!!!

[ست البنات]

:fahd1 (13): :fahd1 (13): :fahd1 (13): :fahd1 (13): :fahd1 (13): :fahd1 (13): :fahd1 (13): :fahd1 (13): :fahd1 (13): :fahd1 (13): :fahd1 (13): :fahd1 (13): http://e11e.net/files/903.gif (http://e11e.net/index.php?action=viewfile&id=903)





المباني في هذاك الحـي هـي نفـس المبانـي
و الحمام اللي على خبري بعـد نفـس الحمـام
مـدري وش ودا رجولـي يـم بيتـي الأولانـي
بي حنين و ضوء ذكرى كامنـة تحـت الركـام
آه يا باصك يا روضة كان يوقـف فـي مكانـي
كان يضرب لي "هرن" في ساعة الستـه تمـام
ال حلاوة في يديني و كـن عصفـور المحانـي
لابس المريـول الأخضـر رابـطٍ خلفـه حـزام
اذكر اذكر من سوالف فاطمـه و اللـي تعانـي
يوم ما تغمض عيونـي و الله انهـا مـا تـلام
تسأل امي وش بلانـي و اتأفـف وش بلانـي ؟
يمه بسأل .. هي قطـاوة حينـا تعـرف تنـام؟
جننوني طول ليلي جيـت اغمـض مـا مدانـي
تضحك امي و من وراها ضحكت اختـي ابتسـام
يالله قومي .. و اتدلع يمـه مانـي يمـه مانـي
لين اشوف ابوي داخل ..واعرف ابسمـع كـلام
امسك المعده و العـن .. سندويشـات اليمانـي
و احلف بربي مـا اشـري سندويشاتـه حـرام
الشقاوه بكل لحظه .. مطوعه كل مـا عصانـي
و الأمانـي ضحكـة الطفلـة و ترتيـل السـلام
أكبر همومي "عروسـه" مهدهـا قمـة حنانـي
"وعسكريم" التوت عندي لاحصـل غايـة مـرام
كن اجراس المـدارس تُفـرد بركضـي مـوان
يو النوارس صـف طـلاب المـدارس و العـلام
علمتني مـد يـدي للخـوي لـو مـا عطانـي
علمتني ما اخـون العيـش لـو خـان اللئـام
وصت عيوني ما انظر للغبي لـو هـو رمانـي
و لا تكلم اي جاهـل قلـت للجاهـل سـلام ..!
دسّت بصدري حنانٍ و التجـى عقلـي لجنانـي
لين من صيتي رقيت و صرت من فـوق الغمـام
لو اخـون اللـي احبـه كـن ابهامـي عمانـي
كـن بيدينـي ذبحـت القلـب و انهيـت الغـرام
العدو لو هو احترمني .. شفته من جملة خوانـي
و كم عدوٍ صار يحلف .. اني من نسل الكرام..!
اللسان و لا تكلـم مـا نسـى ..انـه حصانـي
و اعرف آرتب مقالـي ليـن يضبـط ع المقـام
ذيك الايـام احتوتنـي بالدقيقـه و الثوانـي ..!!
علمتني درس قبلي ما خـذه جـد و عمـام ..!
يا الحنين اللي نثرني و يا الحنين اللـي ملانـي
في عروقي تجري طفله عمرهـا مـا زاد عـام
حالفه لي ما بتكبر لـو بيـاض الشيـب جانـي
لو غزاني شيب شعري .. طفلةٍ هـي عالـدوام
يوم مريت " النخيـل " و قـام "خزانـه" بكانـي
شفتها بين المباني .. مغرمـه فيهـا هيـام..!!
أسألتني وينك انتي ؟ قلـت :موجـوده و كانـي
حطـت أيديهـا .. بيـدي و ادفعتنـي للأمـام !
شفت بيت الخاله حصه .. شفت مرجيحة تهانـي
و أدمعت عين الصغيره .. يـوم أرخيـت اللثـام
كل " داعوس ٍ " تلوى فج صـدري ثـم كوانـي
..منظر البيت الكبير .. وبعض اركانـه حطـام !
قمت أناظر من دريشة غرفتي .. سقفٍ كسانـي
و المح الحوش المكسر / ويـن ذاك الأنتظـام ؟
صوت "جدي" مع أذان الظهر يصرخ فـي اذانـي
:ما شبعتي لعب .. يالله (للصلاة) أنتي و حسام !!




فاطمة المشيقح






قصيده قرأتها واعجبتني جداااااااا رأأيت فيها نفسي بأكثررررررررر من بيت

راااااااااااقيه بمعنى الكلمه



اتمنى تعجبكم

دمـــــتــــــــــــــم بود

[حنان الكون]

صح لسان شاعرتها وسلمت يمناك يالغلا على النقل الرائع